નિયમ / મૂવી જોવાનો પ્લાન કરી રહ્યા છો? તો જાણી લો આ બદલાયા નિયમ વિશે

સરકારી અધિકારીઓનું કહેવુ છે કે, રજિસ્ટર્ડ મલ્ટીપ્લેક્સને ઇલેક્ટ્રોનિક રૂપથી એક ટેક્સ ઇનવૉઇસ રજૂ કરવો પડશે અને તેના દ્વારા જારી કરવામાં આવેલી ઇલેક્ટ્રોનિક ટિકિટને ટેક્સ ઇનવૉઇસ માનવામાં આવશે. સરકારના આ પગલાની સાથે જ સિનેપ્લેક્સ દ્વારા આપવામાં આવેલા કલર્ડ ટિકિટ હવે ઇતિહાસ બની શકે છે. 

ટેક્સ કન્સલટન્ટ્સ અનુસાર, PVRની આગેવાની વાળા મોટાભાગના મલ્ટીપ્લેક્સ પહેલાથી જ દર્શકોને ઇ-ટિકિટ આપી રહ્યા છે. હવે ધીમે ધીમે સિંગલ સ્ક્રીન થિયેટર્સમાં પણ ઇ ટિકિટિંગની વ્યવસ્થા કરવાનો વિચાર હાથ ધરાયો છે.

GST પરિષદના આ નિર્ણયની સાથે જ મલ્ટીપ્લેક્સ B2C (બિઝનેસથી કન્ઝ્યૂમર) બિઝનેસ માટે ઇલેક્ટ્રોનિક ઇનવૉયસ એક ટેસ્ટ કેસના રૂપમાં જોઇ શકાય, જે અત્યાર સુધી માત્ર બિઝનેસ ટુ બિઝનેસ ટ્રાન્જેક્શન માટે જરૂરી છે.

નિષ્ણાંતોના મતે થિયેટરમાં મોટાભાગના લોકો કેશ આપીને જ ટિકિટ લે છે, જેના કારણે જ ટ્રાન્જેક્શન નોંધાતા નથી અને ટેક્સની ચોરી થાય છે. આ બ્લેક મનીનો મોટો સ્ત્રોત બની જાય છે. આ લૂપહોલને પૂરવા માટે સરકાર મલ્ટીપ્લેક્સમાં ઇ ટિકિટ ફરજિયાત બનાવવાનો નિર્ણય લીધો છે.