નવા જૂનીના એંધાણ? / આવતીકાલે GST Councilની નિર્ણાયક બેઠક, પેટ્રોલ-ડીઝલ પર થશે મોટો નિર્ણય

• આવતીકાલે GST Councilની 45મી બેઠક લખનઉમાં યોજાશે
• બેઠકની આગેવાની નાણા મંત્રી નિર્મલા સીતારમણ કરશે
• બેઠકમાં પેટ્રોલ-ડીઝલ પર થશે મોટા નિર્ણય 

પેટ્રોલ-ડીઝલને GST હેઠળ લાવવા થશે ચર્ચા

GST કાઉન્સિલની આ બેઠકમાં કેટલાંક મહત્વના મુદ્દા પર ચર્ચા થવાની આશા છે, જેની અસર ઉદ્યોગપતિઓથી લઈ સામાન્ય માણસ પર પડશે. પેટ્રોલ-ડીઝલને GSTમાં લાવવા અંગે ફરી એક વખત ચર્ચાએ જોર પકડ્યુ છે. શુક્રવારે થનારી GST કાઉન્સિલની બેઠકમાં પેટ્રોલિયમ ઉત્પાદનોને જીએસટી હેઠળ લાવવા અંગે ચર્ચા થઈ શકે છે. ખરેખર, જીએસટી સિસ્ટમમાં કોઈ પણ ફેરફાર કરવો હોય તો તેમાં પેનલની તૃતિયાંશ અને ચતુર્થાસ મંજૂરીની જરૂર પડે છે. આ બેઠકમાં દરેક રાજ્યો અને ક્ષેત્રોના પ્રતિનિધિઓ ઉપસ્થિત રહેશે. જોકે, આ દરખાસ્તમાં કેટલાંક લોકોએ ઈંધણને જીએસટીમાં લાવવાનો વિરોધ કર્યો છે. કારણકે તેમનું કહેવુ છે કે એવામાં કેન્દ્ર સરકારને વધુ એક મુખ્ય કમાણીનું સાધન મળી જશે.

ફૂડ ડિલિવરી એપ્સ પર GST!

ફૂડ ડિલિવરી એપ્સ Zomato, Swiggy જેવા ક્લાઉડ કિચનમાંથી ખાવાના મંગાવવાની સર્વિસ પર જીએસટી લાગુ કરવાનુ કાઉન્સિલમાં વિચાર થઈ શકે છે. કમિટીની ફિટમેન્ટ પેનલે કાઉન્સિલમાંથી ફૂડ ડિલિવરી એપ્સને ઓછામાં ઓછી 5 ટકા GST હેઠળ લાવવાની ભલામણ કરી છે. કાઉન્સિલના ફિટમેન્ટ પેનલે ભલામણ કરી છે કે ફૂડ એગ્રીગેટરને ઈ-કોમર્સ ઓપરેટર માનવામાં આવે. એવામાં Swiggy, Zomatoમાંથી ઓનલાઈન ખાવવાનું મંગાવવાનું મોંઘુ પડી શકે છે.

GST e-portalને લઇને જાહેરાત

આ ઉપરાંત જીએસટી પાલન સાથે સંબંધિત અને કોમન GST e-portalને લઇને જાહેરાત કરી શકાય છે. આ સાથે ફાર્મા સેક્ટર સાથે જોડાયેલી કેટલીક જાહેરાતો પણ શક્ય છે. GST કાઉન્સિલ રાજ્યોને મળતા વળતરને 2022ની આગળ વધારી શકાય તેવી વિચારણા પણ થઇ શકે છે. આ બેઠકમાં કોવિડ-19 સાથે સંબંધિત જરૂરી સામાનો પર રાહત દરોની સમીક્ષા પણ થઇ શકે છે. કોવિડ-19થી લડવા માટે ઘણાં પ્રોડક્ટ્સ અને સર્વિસ પર GST પર આપવામાં આવેલી રાહતને વધુ આગળ વધારી શકાય છે. એટલેકે આ બેઠક સામાન્ય જનતા માટે વધુ મહત્વપૂર્ણ છે.