ઘર ખરીદનારાઓ માટે આવી ખુશ ખબર, GST કાઉન્સિલની બેઠકમાં લેવાયો મોટો નિર્ણય

GST કાઉન્સિલની 34મી બેઠકમાં ઘર ખરીદદારને મોટી ભેટ મળી છે. સૂત્રો પ્રમાણે GST કાઉન્સિલની બેઠકમાં 1 એપ્રિલથી અંડર કન્ટ્રક્શન રિયલ્ટી પ્રોજેક્ટ પર 5% GST લાગૂ થશે. નવા રિયલ પ્રોજેક્ટ પર 1 એપ્રિલથી 5 ટકા જીએસટી લાગશે. હાલ પ્રોજેક્ટમાં આ વાતની છૂટ રહેશે કે તેઓ હાલનો GST રેટ આપે અને ITC લે અથવા પછી નવો GST ચૂકવે પરંતુ એ સંજોગે ITC મળશે નહીં. 
 

આવી રીતે મળશે ફાયદો
પહેલી વખત ઘર ખરીદવાની ગોલ્ડન તક કેવી રીતે છે, એને આ રીતે સમજી શકો છો. 
જો તમે પહેલી વખત ઘર અંડર કન્ટ્રક્શન પ્રોજેક્ટમાં ફ્લેટ ખરીદી રહ્યા છો તો અત્યાર સુધી 12 ટકાના દરથી જીએસટીની ચુકવણી કરવી પડે છે. તો બીજી બાજુ એક એપ્રિલથી આ દર ઘટીને 5 ટકા થઇ જશે, એટલે કે GSTમાં 7 ટકાની કમી. એના કારણે 45 લાખ રૂપિયાની પ્રોપર્ટી પર 3.15 લાખ રૂપિયાની સીધી બચત થશે. જો તમે પહેલી વખત ઘર ખરીદી રહ્યા છો તો પ્રધાનમંત્રી આવાસીય યોજના હેઠળ હોમ લોન પર 2.67 લાખ રૂપિયાની સબ્સિડી મળશે. આ રીતે કુલ 5.82 લાખ રૂપિયાની બચત થશે. 
 

સસ્તું ઘર ખરીદવાનું વધારે સરળ 
દેશમા ઘરોની ખામીને દૂર કરવા માટે સસ્તા ઘરોની પરિભાષા પણ બદલાઇ ગઇ છે. મેટ્રો શહેરમાં 60 વર્ગ મીટરના ઘરે સસ્તી શ્રેણીમાં જ્યારે નૉન મેટ્રો શહેરોમાં આ આકાર 90 વર્ગ મીટર કરી દેવામાં આવ્યો છે. શરત એ કે મકાનની કિંમત 45 લાખ રૂપિયા સુધીની હોય. એનો અર્થ એ થયો કે 45 લાખ રૂપિયા સુધીના મકામ સસ્તી શ્રેણીમાં આવશે. 

કાઉન્સિલની 24 ફેબ્રુઆરીની બેઠકમાં અંડર કન્ટ્રક્શન ફ્લેટ અને સસ્તા ઘરો પર જીએસટી રેટને ઘટાડીને ક્રમશ: 5% અને 1% કરી દેવામાં આવ્યો હતો. એના નવા દર 1 એપ્રિલથી લાગૂ થશે. હાલ અંડર કન્ટ્રક્શન પ્રૉપર્ટી અથવા રેડી ટૂ મૂવ ફ્લેટની ચુકવણી પર ઇનપુટ ટેક્સ ક્રેડિટની સાથે 12 ટકા જીએસટી લાગે છે. સસ્તા મકાન પર જીએસટીનો દક 8% છે.