મોટો ઉછાળો / પાંચમી વાર દેશમાં GST કલેક્શન 1.30 લાખ કરોડને પાર, જાણો ગત વર્ષ કરતાં કેટલાં ટકા વધારે ગ્રોથ?

• ફેબ્રુઆરી 2022 માટે જીએસટી કલેક્શનના આંકડાઓ જાહેર
• ફેબ્રુઆરી 2021 કરતાં આ વર્ષનું GST કલેક્શન 18 ટકા વધારે
• કોરોના કાળમાં પણ GST કલેક્શનમાં મોટો ઉછાળો

ફેબ્રુઆરી 2020ની સરખામણીમાં કલેક્શનમાં 26 ટકાનો વધારો

ફેબ્રુઆરી 2022 માં GST કલેક્શન ફેબ્રુઆરી 2021 કરતાં 18 ટકા વધુ છે જ્યારે ફેબ્રુઆરી 2020 ની સરખામણીમાં GST કલેક્શનમાં 26 ટકાનો વધારો થયો છે. ફેબ્રુઆરી 2022માં જીએસટી કલેક્શન રૂ. 1,33,026 કરોડ હતું. જ્યારે CGST કલેક્શન રૂ. 24,435 કરોડ, SGST રૂ. 30,779 કરોડ, IGST રૂ. 67,471 કરોડ અને સેસ રૂ. 10,340 કરોડ રહ્યું છે.

ફેબ્રુઆરી મહિનામાં આયાતથી થતી આવકમાં 38 ટકાનો વધારો

ફેબ્રુઆરી મહિનામાં નિયમિત સેટલમેન્ટ બાદ કેન્દ્ર સરકારની આવક રૂ. 50,782 કરોડ રહી છે જ્યારે રાજ્યોની કુલ આવક રૂ. 52,688 કરોડ રહી છે. ફેબ્રુઆરી 2022માં GST રેવન્યુ કલેક્શનમાં 18 ટકાનો વધારો થયો છે. તો ફેબ્રુઆરી 2020ની સરખામણીમાં કલેક્શનમાં 26 ટકાનો વધારો થયો છે. ફેબ્રુઆરી મહિનામાં આયાતથી થતી આવકમાં 38 ટકાનો વધારો થયો છે.

 

✅ Rs 1,33,026 crore Gross GST Revenue collected for February 2022

✅ GST collection crossed Rs 1.30 lakh crore mark for the 5th time

Read more ➡️ https://t.co/DWFUHpgB7J pic.twitter.com/bufbpgoCMv

— Ministry of Finance (@FinMinIndia) March 1, 2022

કોરોના મહામારીના નિયંત્રણો હોવા છતાં GST સંગ્રહમાં વધારો

ડેટા જાહેર કરતી વખતે નાણાં મંત્રાલયે કહ્યું છે કે, ફેબ્રુઆરી મહિનો જાન્યુઆરી કરતાં 28 દિવસ ઓછો છે. આ સાથે ફેબ્રુઆરીમાં કોરોના મહમારી અને ઓમિક્રોન વેરિઅન્ટના કારણે રાજ્યો દ્વારા આંશિક લોકડાઉન, રાત્રિ કર્ફ્યુ તેમજ નિયંત્રણો પણ લાદવામાં આવ્યાં. એવામાં આવું પાંચમી વખત થયું છે કે જ્યારે GST કલેક્શન રૂ. 1.30 લાખ કરોડને વટાવી ગયું છે. પ્રથમ વખત જીએસટી સેસ કલેક્શન રૂ. 10,000 કરોડને વટાવી ગયું છે. જે દર્શાવે છે કે, ઓટો મોબાઈલ સેક્ટર જેવાx સેક્ટરમાં રિકવરી પરત આવી છે.