ચોખવટ / પરીક્ષા મોકૂફ રખાયાની અફવામાં ન આવતા, ધોરણ 9થી 12ના વિદ્યાર્થીઓ વાંચી લો GSHSEBની આ સ્પષ્ટતા

• ધોરણ 9થી 12ણી પ્રથમ પરીક્ષા મૌકૂફ રખાયાના વાયરલ મેસેજ ખોટા
• શૈક્ષણિક કેલેન્ડર મુજબ જ પરીક્ષાઓ યોજાશે :GSHSEB
• 18 થી 27 ઓકટોબર દરમિયાન યોજાશે પરીક્ષા :GSHSEB

સોશિયલ મીડિયામાં વાયરલ મેસેજ ફરતો થયો હતો કે ધોરણ-9 થી 12ની પ્રથમ પરીક્ષા મોકૂફ રાખવામાં આવી છે. જે બાદ ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ સ્પષ્ટતા કરી અખબાર યાદી બહાર પાડી છે અને ચોખવટ કરી છે કે ધોરણ-9 થી 12ની પરીક્ષા 18 થી 27 ઓકટોબર દરમિયાન લેવામાં આવશે.

18 થી 27 ઓકટોબર દરમિયાન યોજાશે પરીક્ષા: GSHSEB
કોરોના કાળ બાદ માંડ શાળાઓ ચાલુ થઈ છે. વિદ્યાથીઓ માંડ ભણતરના પાટે ચડી રહ્યા છે. પરીક્ષાના આયોજન પહેલાંની જ થવા જઈ રહ્યા છે. પણ ધોરણ-9 થી 12ની પ્રથમ પરીક્ષાને લઈ સોશિયલ મીડિયામાં સમાચાર વહેતા થયા હતા કે પરીક્ષા કોરોનાના કારણે બંધ રાખવામાં આવી છે. જેથી વિદ્યાથીઓ ગેરમાર્ગે ન દોરાય તે માટે  ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ વાયરલ મેસેજને અફવા ગણાવી દીધો છે.અને શૈક્ષણિક કેલેન્ડર મુજબ જ પરીક્ષાઓ યોજાશે તેવી જાહેરાત કરી છે. 18 થી 27 ઓકટોબર દરમિયાન ધોરણ-9 થી 12ની પ્રથમ પરીક્ષા યોજાશે તેના પર વિદ્યાર્થીઓનું ધ્યાન દોરતા કહ્યું છે કે વિદ્યાથીઑ મહેનત કરે ખોટી અફવા પર ધ્યાન ન આપે.