પ્રતિક્રિયા / 17 વર્ષીય ગ્રેટા થનબર્ગે ડોનાલ્ડ ટ્રમ્પને સામે એવી ચોપડાવી કે સોશિયલ મીડિયામાં થઈ ગઈ વાહવાહી

ગ્રેટાએ ડોનાલ્ડ ટ્રમ્પે તેની 2019માં જે શબ્દોમાં મજાક ઉડાવી હતી તે જ શબ્દોમાં ઠેકડી ઉડાવી હતી. મતગણતરીમાં પોતે હારી રહ્યા છે તેવો અંદાજ આવતા ડોનાલ્ડ ટ્રમ્પે ધૂંધવાઈને ટ્વીટ કરી હતી કે "મતગણતરી બંધ કરો." 

ટ્રમ્પની આ ટિપ્પણીનો રિપ્લાય આપતા ગ્રેટાએ કહ્યું હતું: કેટલું હાસ્યાપદ છે! ડોનાલ્ડે તેમના એન્ગર મેનેજમેન્ટ (ગુસ્સો કાબૂ કરવાની પદ્ધતિ) ઉપર કામ કરવું જોઈએ. પછી એક મિત્ર સાથે શાંતિથી મુવી જોવા જવું જોઈએ. ચીલ, ડોનાલ્ડ, ચીલ!

So ridiculous. Donald must work on his Anger Management problem, then go to a good old fashioned movie with a friend! Chill Donald, Chill! https://t.co/4RNVBqRYBA

— Greta Thunberg (@GretaThunberg) November 5, 2020

નોંધનીય છે કે ડોનાલ્ડ ટ્રમ્પે પોતે 2019ના ડિસેમ્બરમાં ગ્રેટા થનબર્ગને ટાઈમ્સ મેગેઝીનમાં સ્થાન મળ્યુ હતું તે નિર્ણયની મજાક ઉડાવતી પોસ્ટ મૂકી હતી. આ પોસ્ટમાં ટ્રમ્પે આ જ શબ્દો વાપરીને ગ્રેટાની મજાક ઉડાવી હતી. 

ટ્રમ્પે લખ્યું હતું : કેટલું હાસ્યાપદ છે! ગ્રેટાએ તેના એન્ગર મેનેજમેન્ટ (ગુસ્સો કાબૂ કરવાની પદ્ધતિ) ઉપર કામ કરવું જોઈએ. પછી એક મિત્ર સાથે શાંતિથી મુવી જોવા જવું જોઈએ. ચીલ, ગ્રેટા, ચીલ!

17 વર્ષીય ગ્રેટાએ આ ટ્વીટ કર્યું તેના ગણતરીના કલાકોમાં તેને 10 લાખથી વધુ લાઇક્સ અને 3 લાખથી વધુ રીટ્વીટ મેળવ્યા હતા. નોંધનીય છે કે રાષ્ટ્રપતિ ટ્રમ્પે મતદાન અને મતગણતરીમાં ગોટાળા થયા હોવાનો ગંભીર આક્ષેપ લગાવીને મતગણતરી બંધ કરવા માટે કહ્યું છે. જો કે જ્યોર્જિયા અને મિશિગન અદાલતે ટ્રમ્પની અરજી ફગાવી દીધી છે.