જમ્મુ-કાશ્મીરમાં શ્રીનગરના બેમિના વિસ્તારમાં સુરક્ષાકર્મીઓએ આતંકવાદીઓના એક ષડયંત્રને નિષ્ફળ બનાવ્યું છે. રેતીવાળી બેગમાં ભરવામાં આવેલા છ ગ્રેનેડ મળી આવ્યાં છે. આ વિસ્તારમાં સુરક્ષા વધારી દેવામાં આવી છે.
શ્રીનગરના બેમિના વિસ્તારમાં સુરક્ષાકર્મીઓને સફળતા
આતંકવાદીઓના ષડયંત્રને બનાવવામાં આવ્યું નિષ્ફળ
રેતીથી ભરેલી બેગમાં છ ગ્રેનેડ મળી આવ્યાં
બેગમાં છ ગ્રેનેડ મળી આવ્યાં
મહત્વનું છે કે, રોડ ઓપનિંગ પાર્ટીના જવાનોએ રાષ્ટ્રીય ધોરીમાર્ગ-44 પર એક ડિવાઈડરની પાસે રેતીથી ભરેલા બેગમાં રાખવામાં આવેલા છ ગ્રેનેડને શોધ્યા છે. આ બધા ચીનમાંથી બનેલા ગ્રેનેડ છે. તો ભારતીય સેનાના જવાનોની સૂઝબૂઝને કારણે મોટા આતંકવાદી ષડયંત્રને નિષ્ફળ કરવામાં આવ્યું છે. પોલીસે આ દરેક ગ્રેનેડને પોતાના તાબા હેઠળ લીધા છે. જ્યારે કાશ્મીરમાં હાઈબ્રિડ આતંકવાદીઓની હાજરીએ સુરક્ષાકર્મીઓને ખડેપગે કરી દીધા છે. સુરક્ષાકર્મીઓ સામે આ એક નવો પડકાર છે. સ્લીપર સેલની જેમ આ એક પાર્ટટાઈમ આતંકવાદીઓને નિશાન બનાવી રહ્યાં છે. તાજેતરમાં કાશ્મીરમાં થયેલી નેતાઓ અને પોલીસકર્મીઓની હત્યાઓમાં હાઈબ્રિડ આતંકવાદીઓ સામેલ હતા. આ પાર્ટટાઈમ હાઈબ્રિડ આતંકવાદીઓને ટ્રેક કરવામાં અડચણો આવે છે. કારણકે ઘટનાને અંજામ આપ્યાં બાદ તેઓ પોતાના સામાન્ય કામકાજમાં લાગી જાય છે. પરંતુ આવા હાઈબ્રિડ આતંકવાદીઓ પર સંપૂર્ણરીતે દેખરેખ રાખવામાં આવે છે.
સોફ્ટ ટાર્ગેટ બનાવવાની ઘટનાઓમાં થયો વધારો
શ્રીનગર સહિત કાશ્મીર ખીણમાં છેલ્લાં કેટલાંક અઠવાડિયામાં સોફ્ટ ટાર્ગેટ બનાવવાની ઘટનાઓમાં વધારો થયો છે. આ ઘટના એવા પિસ્તોલ ચલાવનારા યુવકો તરફથી કાર્યવાહી કરવામાં આવી છે, જે સુરક્ષા એજન્સીઓની યાદીમાં આતંકવાદી રૂપે નથી. આવા આતંકવાદીઓને શોધવા ખૂબ મુશ્કેલ હોય છે. સુરક્ષા એજન્સીઓ સાથે જોડાયેલા સુત્રોએ જણાવ્યું કે, હાઈબ્રિડ આતંકવાદીઓને હેન્ડલર્સ તરફથી આતંકવાદી કૃત્યને અંજામ આપવા માટે સ્ટેન્ડબાય રાખવામાં આવે છે. તેઓને આપવામાં આવેલા ટાસ્કને પૂર્ણ કર્યા બાદ નવા ટાસ્કની રાહ જોતા હોય છે. આ દરમ્યાન તેઓ પોતાના સામાન્ય કામકાજ કરવા લાગ્યા છે.