બ્લાસ્ટ / જમ્મૂ-કાશ્મીર: પુલવામામાં મતદાન દરમિયાન બુથ પર ગ્રેનેડ હુમલો

જમ્મૂ-કાશ્મીરમાં મતદાન દરમિયાન ગ્રેનેડથી હુમલો કરવામાં આવ્યો છો. પુલવામા બૂથ પર મતદાન સમયે ગ્રેનેડ બ્લાસ્ટ થયો છે. જો કે હુમલામાં કોઇ જાનહાનિ નથી થઇ. આ સીટ પર મતદાન હજુ પણ ચાલુ છે.

પોલીસ અધિકારી અને સેનાના જવાનો ઘટના સ્થળે પહોંચ્યા હતા. ઉલ્લેખનીય છે કે, લોકસભા ચૂંટણીનું આજે પાંચમાં તબક્કાનું મતદાન ચાલી રહ્યું છે. જેમાં જમ્મૂ-કાશ્મીરની 2 બેઠકો પર મતદાન થઇ રહ્યું છે. અહીંયાની અનંતબાગ સીટ પર 3 તબક્કામાં મતદાન થઇ રહ્યું છે. ત્યારે મતદાન દરમિયાન પુલવામાના એક બુથ પર આતંકીઓએ ગ્રેનેડથી હુમલો કર્યો અને મતદાન પ્રક્રિયામાં ખલેલ પહોંચાડવાનો પ્રયત્ન કર્યો છે.

ઉલ્લેખનીય છે કે પુલવામામાં સીઆરપીએફ કાફલા પર થયેલા હુમલામાં 40 જવાન શહીદ થઇ ગયા હતા. કાશ્મીરના તમમા બુથો પર કડક સુરક્ષાની વ્યવસ્થા કરવામાં આવી છે તેમ છતાં છેલ્લા તબક્કામાં વોટિંગની ટકાવાળી 10 ટકા ઓછી રહી છે.