ગ્રામ પંચાયતની ચૂંટણી / દેશભક્તિનો અનોખો જુસ્સો : 99 વર્ષની ઉંમરે પણ સ્વાતંત્ર્ય સેનાનીએ કર્યું મતદાન

• મહુવાના વહેવલ ગામે 99 વર્ષના મણીબેન ઘોડિયાએ કર્યું મતદાન 
• 99 વર્ષની ઉંમરે પણ મણીબેનનો દેશભક્તિનો જુસ્સો યથાવત
• આઝાદીના જંગમાં મણીબેન જેલવાસ ભોગવી ચૂક્યા છે

સુરતમાં મહુવાના વહેવલ ગામે 99 વર્ષીય સ્વાતંત્ર્ય સેનાનીએ મતદાન કર્યું હતું, મણીબેન ધોડિયાએ ગ્રામ પંચાયતની ચૂંટણીમાં મતદાન કરી પોતાના મતાધિકારનો ઉપયોગ કર્યો હતો. મહત્વનું છે કે 99 વર્ષની ઉંમરે પણ મણીબેનમાં દેશ ભક્તિનો જુસ્સો યથાવત જોવા મળી રહ્યો છે અને મણીબેન આઝાદીના જંગમાં મણીબેન જેલવાસ પણ ભોગવી ચુક્યા છે.

મોડાસાના 107 વર્ષના નાથીબાએ પણ કર્યું મતદાન 

આ તરફ અરવલ્લીના મોડાસાના 107 વર્ષના નાથીબાએ પણ મતાધિકારનો ઉપયોગ કર્યો હતો. ટીંટીસર ગામના શતાયુ નાથીબા 72 સભ્યોનું કુંટુંબ ધરાવે છે. આજે ગ્રામ પંચાયતની ચૂંટણી જ્યારે યોજાઈ રહી છે ત્યારે જે લોકો મતદાન માટે  જતા નથી ત્યારે 107 વર્ષના વૃદ્ધાએ મતદાન કરીને મતદાન જાગૃતિનો એક અનોખો સંદેશ આપ્યો છે. 

બપોરે 2 વાગ્યા સુધીમાં સરેરાશ 29 ટકા મતદાનો નોંધાયું 

રાજ્યમાં આજે ગ્રામ પંચાયતની ચૂંટણીઓ યોજાઇ છે. બપોરે 2 વાગ્યા સુધીમાં રાજ્યમાં સરેરાશ 29 ટકા મતદાન નોંધાઈ ચૂક્યું છે.. બપોરે 1 વાગ્યા સુધીમાં દક્ષિણ ગુજરાતમાં 28 ટકા, ઉત્તર ગુજરાતમાં 29 ટકા, સૌરાષ્ટ્ર અને કચ્છમાં 33 ટકા, મધ્ય ગુજરાતમાં 25 ટકા મતદાન થયું છે. ચુસ્ત પોલીસ બંદોબસ્ત વચ્ચે થઇ રહેલા મતદાનમાં ક્યાંક નાના મોટા વિવાદ અને ઘર્ષણ પણ થયા છે. તો ક્યાંક આચારસંહિતાનો ભંગની ફરિયાદ પણ થઈ છે. શાંતિપૂર્ણ માહોલમાં ચૂંટણી સંપન્ન થાય તે માટે પોલીસ અધિકારીઓ પોલીસ જવાનો અને હોમગાર્ડ સહિતના સ્ટાફનો બંદોબસ્ત ગોઠવવામાં આવ્યો છે. જ્યારે અતિસંવેદનશીલ મતદાન કેન્દ્રો પર રાઉન્ડ ધ ક્લોક પેટ્રોલિંગ કરવામાં આવી રહ્યું છે. એકંદરે શાંતિપૂર્ણ માહોલમાં ચૂંટણી સંપન્ન થાય એ માટે તંત્ર સજ્જ થયું છે.