આજથી ગુજરાત વિધાનસભાનું બજેટ સત્ર શરૂ થઇ રહ્યું છે. ત્યારે નાણામંત્રી નીતિન પટેલ આજે સંપૂર્ણ બજેટ રજૂ કરશે. આ દરમિયાન નીતિન પટેલે કહ્યું કે, ચર્ચા વિચારણ કરી અને બજેટ અંગે સૂચનો મેળવાયા છે. આ બજેટ ગુજરાના વિકાસ માટે નવી દિશા નક્કી કરનારું છે. અને અનેક પ્રજાકીય યોજનાઓ આ બજેટમાં આવરી લેવામાં આવી છે.
નિતિન પટેલે જણાવ્યું કે, આ બજેટ વિકાસ માટેની નવી દિશા આપનારૂ રહેશે. તમામ પ્રજાકીય યોજના આ બજેટમા આવરી લેવામાં આવી છે. સરદાર સરોવરમાં 119 મીટર કરતા વધુ પાણી છે. સારો વરસાદ પડતા વાવણી શરૂ થઇ છે અને જ્યાં વરસાદ નથી પડ્યો ત્યાં વાવેતરને બચાવવા માટે કેનાલ મારફતે અષાઢી બીજના દિવસથી પાણી આપવામાં આવશે.
રાજ્ય સરકારના સૂત્રો પાસેથી મળતી માહિતી મુજબ આ વખતે આવક વધે તે માટે પણ ધ્યાન કેન્દ્રીત કરાશે અને તેથી નવા કરવેરાનું ભારણ ગુજરાતના નાગરિકો પર લદાશે. અંદાજે એક વાગ્યાની આસપાસ નાણામંત્રી નીતિન પટેલ બજેટનું વાંચન શરૂ કરશે.
તો બીજી તરફ, મગફળી કાંડ, કાયદો વ્યવસ્થા સહિતના મુદ્દાઓ ગજવી સરકારને ઘેરવા કોંગેસ સજ્જ બની છે. કોંગ્રેસે આજે કિસાન યાત્રાનું આયોજન કર્યુ છે તેને પગલે વિધાનસભા ફરતે પોલીસનો ચાંપતો બંદોબસ્ત ગોઠવવામાં આવ્યો છે.