ખુશખબર / ગુજરાતમાં સરકારી કર્મચારીઓને ટૂંક સમયમાં મળશે મોટી ભેટ, ડેપ્યુટી CM નીતિન પટેલની મોટી જાહેરાત

• રાજ્યમાં સરકારી કર્મચારીઓને મળશે મોટી ભેટ 
• કેન્દ્ર સરકારની જેમ રાજ્ય સરકાર પણ આપશે મોંઘવારી ભથ્થું 
• ટૂંક સમયમાં સરકાર દ્વારા સત્તાવાર જાહેરાત કરવામાં આવશે 

ગુજરાતમાં સરકારી કર્મચારીઓને રાજ્ય સરકારે મોટી ભેટ આપી છે. રાજ્ય સરકાર દ્વારા સરકારી કર્મચારીઓને પણ ટૂંક સમયમાં મોંઘવારી ભથ્થુ આપવાની જાહેરાત કરવામાં આવી છે. કેન્દ્ર સરકાર દ્વારા મોંધવારી ભથ્થુ વધારીને 17 થી 28 ટકા જેટલું કરવામાં આવ્યું હતું. જે મામલે નાયબ મુખ્યમંત્રી નીતિન પટેલે કહ્યું કે રાજ્ય સરકાર દ્વારા પણ સરકારી કર્મચારીઓને તેજ પ્રમાણે લાભ મળશે. 

મોંઘવારી ભથ્થામાં 11 ટકાનો થશે વધારો 

ગાંધીનગર ખાતે આજે મુખ્યમંત્રીની હાજરીમાં કેબિનેટ બેઠક યોજાઈ હતી. જે બેઠક બાદ પ્રેસ કોન્ફરન્સ યોજાઈ. જેમા નીતિન પટેલે કહ્યું કે કેન્દ્ર સરકારે જે મોંઘવારી ભથ્થાની જાહેરાત કરી છે. તેજ પ્રમાણે રાજ્ય સરકાર પણ તેમના કર્મચારીઓને મોઘવારી ભથ્થું આપશે. જેની ટૂંક સમયમાં સરકાર દ્વારા જાહેરાત કરવામાં આવશે. 

ત્રીજી લહેરને લઈને સરકાર ગંભીર 

વધુંમાં નાયબ મુખ્યમંત્રી નીતિન પટેલે કહ્યું કે રાજ્ય સરકાર કોરોનાની ત્રીજી લહેરને લઈને ઘણી ગંભીર છે. સરકાર દ્વારા આજે RTPCR ટેસ્ટના ભાવમાં પણ ધરખમ ઘટાડો કરવામાં આવ્યો છે. સાથેજ તેમણે કહ્યું કે હવે રાજ્યમાં ધીરે ધીરે પ્રતિબંધો હટાવામાં આવી રહ્યા છે અને વેક્સિનેશન પર પૂરતુ ધ્યાન આપવામાં આવી રહ્યું છે. 

RTPCR ટેસ્ટના ભાવ ઘટ્યા 

અગાઉ RTPCR ટેસ્ટના 700 રૂપિયા લેવાતા હતા. જે હવે 400 રૂપિયા કરવામાં આવ્યા છે. તે સિવાય દર્દીના ઘરે જઈને જો ટેસ્ટ કરવામાં આવે તો પહેલા 900 રૂપિયા લેવામાં આવતા હતા. જેની બદલે હવે 550 રૂપિયા લેવામાં આવશે. ઉપરાંત સરકારી હોસ્પિટલોમાં કોરોનાનું મફત ટેસ્ટીંગ કરવામાં આવશે તેવું પણ નાયબ મુખ્યમંત્રી નીતિન પટેલે જણાવ્યું છે. 

સરકારી કર્મચારીઓમાં ખુશીનો માહોલ 

ઉલ્લેખનીય છે. કે રાજ્યમાં સરકારી કર્મચારીઓ છેલ્લા કેટલાય સમયથી મોંઘવારીથી હેરાન થઈને મોઘવારી ભથ્થાની રાહહ જોઈ રહ્યા હતા. ત્યારે રાજ્ય સરકાર દ્વારા ટૂંક સમયમાં કેન્દ્ર સરકારે જે જાહેરાત કરી છે તેજ પ્રમાણે મોંઘવારી ભથ્થું આપવામાં આવશે. એટલે કે હાલ 17 ટકા મોંઘવારી ભથ્થું સરકારી કર્મચારીઓને મળી રહ્યું છે. જેના બદલે તેમને 28 ટકા મોંઘવારી ભથ્થું આપવામાં આવશે.