ઉત્તરપ્રદેશ / દિલ્હીમાં પહેલવાનોનો 'અખાડો': અનેક ખેલાડીઓએ નેશનલ ચેમ્પિયનશીપનો જ કર્યો બૉયકોટ

• નેશનલ ચેમ્પિયનની સ્પર્ધામાંથી ખેલાડીઓ પાછા વળ્યાં 
• કહ્યું સીનિયર્સનો સપોર્ટ કરશું, મેચ નહીં રમીએ
• બૃજભૂષણનાં ભાષણ બાદ ખેલાડીઓએ છોડી મેચ

ભારતીય કુશ્તી સંઘનાં અધ્યક્ષ અને ભારતીય જનતા પાર્ટીનાં સાંસદ બૃજભૂષણ શરણસિંહની સામે હવે ઘણાં ખેલાડીઓ હડતાલ પર બેસી ગયાં છે. તેમાં એવા પણ ખેલાડીઓ છે કે જે નંદિની નગર સ્થિત કુશ્તી સ્ટેડિયમમાં નેશનલ ચેમ્પિયનશિપ રમવા માટે ગયાં છે. હરિયાણા અને હિમાચલ પ્રદેશનાં અનેક ખેલાડીઓ મેચ રમ્યા વગર જ પાછાં આવી રહ્યાં છે.

'અમે સ્વેચ્છાએ મેચ નથી રમી રહ્યાં'
ખેલાડીઓનું કહેવું છે કે અમે સ્વેચ્છાએ મેચ નથી રમી રહ્યાં, દિલ્હીનાં જંતર-મંતર પર બેઠેલા  ભાઈ-બહેનોનાં સમર્થનમાં મેચ રમ્યા વિના પાછા જઈ રહ્યાં છે. તેમણે કહ્યું કે તેઓ પહેલા જંતર-મંતર પર જશે અને ત્યારબાદ ઘરે જતાં રહીશું. 

'ઘણાં એથલીટ મારી સાથે છે'- બૃજભૂષણ
આ નેશનલ ચેમ્પિયનશિપમાં ભાગ લેવા માટે મહારાષ્ટ્ર, હરિયાણા, હિમાચલ પ્રદેશ, પંજાબ, મધ્યપ્રદેશ સહિત ઘણાં પ્રદેશોનાં ખેલાડીઓ આવેલા છે. શુક્રવારે સાંસદ બૃજભૂષણ શરણસિંહ આ ખેલાડીઓને મળવા પહોંચ્યા હતાં. તે દરમિયાન બૃજભૂષણ શરણસિંહે નેશનલ ચેમ્પિયનશિપ સ્પર્ધાની તૈયારી અંગે વાત કરતાં કહ્યું હતું કે ઘણાં એથલીટ મારી સાથે છે.

અમારું મનોબળ પડી ગયું છે...
દિલ્હીનાં જંતર-મંતર પર ખેલાડીઓનાં યૌનશોષણનો વિરોધ કરી રહ્યાં એથલેટ્સ હડતાલ પર બેઠા છે ત્યારે એક ઈન્ટરવ્યૂમાં ખેલાડીઓએ કહ્યું કે તેમનું મનોબળ પડી ગયો છે અને અહીંની વ્યવસ્થાઓ નેશનલ લેવલની સ્પર્ધાઓનાં સ્તરની નથી.

સીનિયર્સનો સપોર્ટ કરવા ઈચ્છે છે ખેલાડીઓ
ખેલાડીઓએ કહ્યું કે અમને પોતાના સીનિયર્સની સાથે ઊભવું છે. અહીંથી પાછા જઈને જંતર-મંતર પર પોતાના સીનિયર ખેલાડીઓનો અમે સાથ આપશું અને ફેડરેશનનો વિરોધ કરશું.