કમોડિટી બજાર સાથે જોડાયેલા જાણકારોનું અનુમાન છે કે આવનારા 5-6 મહિનામાં સોનાની કિંમતોમાં મોટો ઉછાળો આવી શકે છે અને તે 60 હજારને પાર પહોંચી જશે.
સોનું ખરીદવાનો હોય પ્લાન તો જલ્દી કરો
5 કારણોને લીધે વધી શકે છે સોનાની કિંમતો
દિવાળી સુધીમાં ભાવ પહોંચશે 60 હજારને પાર
આ વર્ષે કોરોના મહામારીના કારણે સોનાના ભાવમાં સતત ઉતાર ચઢાવ જોવા મળી રહ્યા છે. થોડા સમયથી તેમાં ઘટાડો જોવા મળ્યો હતો પણ તે લાંબા સમય માટે ન રહ્યો. હાલમાં સોનાનો ભાવ 46743 રૂપિયા પ્રતિ 10 ગ્રામ છે. સાથે જ ઈન્ડિયન બુલિયન જ્વેલર્સ એસોસિયેશનનું કહેવું છે કે એક અઠવાડિયામાં સોનું 1015 રૂપિયા સસ્તુ થયું છે. એપ્રિલમાં તેમાં 2602 રૂપિયાનો વધારો થયો હતો તો 31 માર્ચ 2021ના રોજ સોનાના ભાવ 44190 રૂપિયા પ્રતિ 10 ગ્રામ રહ્યા છે. મે મહિનામાં એક્સપર્ટનું કહેવું છે કે સોનાના ભાવમાં મોટો વધારો જોવા મળી શકે છે.
વધી શકે છે ચાંદીની કિંમતો
કમોડિટી બજારના જાણકારો કહે છે કે સોનું જ નહીં ચાંદીની કિંમતો પણ વધી શકે છે. ચાંદી રેકોર્ડ સ્તરથી નીચે છે અને પ્રતિ કિલો ચાંદીનો ભાવ 67800 રૂપિયા છે. ગયા અઠવાડિયે 1352 રૂપિયાનો ઘટાડો જોવા મળ્યો હતો. એપ્રિલમાં ચાંદીના ભાવમાં 4968 રૂપિયાનો ઘટાડો આવ્યો હોવાનું પણ જાણવા મળી રહ્યું છે.
દિવાળી સુધી 60 હજારને પાર થશે સોનાના ભાવ
કમોડિટી માર્કેટના જાણકારોનું કહેવું છે કે દેશમાં કોરોના સંકટના કારણે અસ્થિરતા અને અનિશ્ચિતતાનો માહોલ છે. લોકોમાં ડર છે કે ક્યાંક લોકડાઉન ન આવે. અન્ય તરફ મોંઘવારી પણ વધી રહી છે. આવનારા દિવસોમાં સોનાના ભાવ પર આ ફેક્ટર્સની અસર જોવા મળી શકે છે. આ કારણ છે કે આવનારા 5-6 મહિનામાં સોનાના ભાવમાં વધારો જોવા મળી શકે છે. અને સાથે જ દિવાળી સુધીમાં સોનાનો ભાવ 60 હજાર રૂપિયા પ્રતિ 10 ગ્રામને પાર થઈ શકે છે.
આ 5 કારણો કરી રહ્યા છે અસર
જાણકારોનું કહેવું છે કે કોરોના સંક્રમણના કારણે દુનિયાભરમાં અનિશ્ચિતતાનો માહોલ છે. તેનાથી શેર બજારમાં ઉઠક પટક જોવા મળી રહી છે. એવામાં રોકાણકારો માટે સોનું સુરક્ષિત વિકલ્પ છે. સોનામાં ભાવ વધારો જોવા મળી શકે છે. ગયા વર્ષે પણ ઓગસ્ટમાં સોનાનો ભાવ 56200 રૂપિયા પ્રતિ 10 ગ્રામ રહ્યો હતો.
આંતરરાષ્ટ્રિય બજારમાં થોડા સમયથી ડોલરમાં નરમાઈ જોવા મળી રહી છે. ભારતીય રૂપિયામાં ઘટાડો જોવા મળી રહ્યો છે. એવામાં આ બંને કરંસીમાં નબળાઈ આવતા સોનાના ભાવ વધી શકે છે.
ચીનની કેન્દ્રીય બેંક પિઝર્વમાં સોનું વધારી રહી છે. અહીંની બેંકને સોનું આયાત કરવાની મંજૂરી પણ આપવામાં આવી છે. તેનાથી આવનારા દિવસોમાં સોનાનો ભાવ વધી શકે છે.
ભલે ગયા અઠવાડિયે આંતરરાષ્ટ્રિય બજારમાં સોનાના ભાવમાં ઘટાડો આવ્યો હોય પણ સોનાના ભાવમાં વધારો નક્કી છે. અમેરિકી બજારમાં સોનાનો ભાવ 1773 ડોલર પ્રતિ ઓંસથી ઉપર ટ્રેડ કરી રહ્યો છે. 1 એપ્રિલે અહીં સોનાનો ભાવ 1730 ડોલર પ્રતિ ઓંસ રહ્યો હતો.
આ સાથે મોંઘવારીના આંકડામાં પણ ઉછાળો આવ્યો છે અને તેના કારણે સોના અને ચાંદીની કિંમતમાં ભાવમાં વધારો આવી શકે છે.