તમારા કામનું / સોનાની કિંમતોમાં ઉછાળો, ચાંદીના ભાવ નીચે આવ્યા, જાણો શું છે તમારા શહેરના ભાવ

• MCX પર સોનાની કિંમતમાં 0.16 ટકાનો ઉછાળો 
• સોનાના ભાવ વધીને 48,722 રુપિયા પ્રતિ 10 ગ્રામ
• ચાંદીના ભાવ ઓછા થઈને 62,111 રુપિયા પ્રતિ કિલોગ્રામ થઈ ગયા

સોનાના ભાવ વધીને 48,722 રુપિયા પ્રતિ 10 ગ્રામ

આજે MCX પર સોનાની કિંમતમાં 0.16 ટકાનો ઉછાળો આવ્યો છે. આ તેજીની સાથે સોનાના ભાવ વધીને 48,722 રુપિયા પ્રતિ 10 ગ્રામ પર પહોંચી ગયા. આનાથી વિપરીત 2 દિવસની તેજી બાદ આજે ચાંદીમાં ચમક  નબળી પડી છે. તેની કિંમતમાં 0.05 ટકાનો ઘટાડો નોંધાયો છે. આ ઘટાડા બાદ ચાંદીના ભાવ ઓછા થઈને 62,111 રુપિયા પ્રતિ કિલોગ્રામ થઈ ગયા છે.

આ રીતે જાણો સોનાની શુદ્ધતા

ઉલ્લેખનીય છે કે ઉત્પાદન કર, રાજ્ય કર અને મેકિંગ ચાર્જના કારણે સમગ્ર દેશમાં સોનાની કિંમત અલગ-અલગ હોય છે. જ્વેલરી બનાવવા માટે મોટા  ભાગે 22 કેરેટનો ઉપયોગ થાય છે.  કેટલાક લોકો 18 કેરેટ સોનાનો ઉપયોગ કરે છે. આભૂષણ પર કેરેટના હિસાબે હોલ માર્ક બને છે. 24 કેરેટ સોનાના આભૂષણો પર 999 લખાય છે. જ્યારે 23 કેરેટ પર 958 , 22 કેરેટ પર 916, તો 21 કેરેટ પર 875  તથા 18 કેરેટ પર 750 લખાય છે.

મિસ કોલ કરી આ રીતે  જાણો સોનાના ભાવ

ઉલ્લેખનીય છે કે તમે આ ભાવનો સરળતાથી ઘરે બેઠા જાણી શકો છો. આ માટે તમારે ફક્ત આ નંબર 8955664433 પર મિસ્ડ કોલ કરવાનો રહેશે. તમારા ફોનમાં મેસેજ આવી જશે. જેનાથી તમને લેટેસ્ટ ભાવ ખબર પડશે.