કામની વાત / વિદેશી બજારોમાં ઘટી સોનાની કિંમતો, ભારતીય બજારોમાં પણ આજે સસ્તું થઈ શકે છે સોનું

• વિદેશી બજારોમાં ઘટી સોનાની કિંમતો
• સતત બીજા દિવસે સોનાની કિંમતોમાં થયો ઘટાડો
• ભારતીય બજારોમાં આજે ઘટી શકે છે સોનાના ભાવ

અમેરિકી સેન્ટ્રલ બેંક ફેડરલ રિઝર્વે વ્યાજ દરમાં કોઈ ફેરફાર ન કરવાનું નક્કી કર્યું છે. તેની અસર શેરબજારથી લઈને સોનાની કિંમતો પર જોવા મળી રહી છે. આ માટે વિદેશી બજારોમાં સોનાની કિંમતોમાં ઘટાડો આવ્યો છે. સ્થાનિક કારીગરોનું માનવું છે કે સોનાની કિંમતોમાં આજે ભારે ઘટાડો આવી શકે છે. બુધવારે હાજર બજારમાં સોના અને ચાંદીની કિંમતોમાં ઘટાડો જોવા મળ્યો હતો. તો મંગળવારે સોના અને ચાંદીની કિંમતોમાં વધારો થયો હતો. મંગળવારે સોનું 53 હજાર અને ચાંદી 70 હજારના સ્તરે રહ્યું હતું. મળતી માહિતી અનુસાર દિલ્હીના સર્રાફા બજારમાં બુધવારે સોનાનો ભાવ 137 રૂપિયા ઘટીને 53,030 રૂપિયા પ્રતિ 10 ગ્રામ રહ્યો હતો. મંગળવારે આ 53,167 રૂપિયા પ્રતિ 10 ગ્રામે બંધ થયો હતો. 

 
જાણો ચાંદીના નવા ભાવ

ચાંદી પણ 517 રૂપિયા ઘટીને 70553 રૂપિયા પ્રતિ કિલોના ભાવે પહોંચી છે. મંગળવારે ચાંદીની કિંમત 71,070 રૂપિયા પ્રતિ કિલો રહી હતી. સોનાના વધારાની સાથે 1967.7 ડોલર પ્રતિ ઓંસ પર કારોબાર બંધ થયો હતો. આ સમયે ચાંદી 27.40 ડોલર પ્રતિ ઓંસના ભાવે ચાલી રહી છે. 

વાયદા કારોબારમાં સોના અને ચાંદીની કિંમતોમાં વધારો જોવા મળી રહ્યો છે. વિદેશી બજારોથી મળી રહેલા સંકેતોની મદદથી બુધવારે વાયદા કારોબારમાં સોના અને ચાંદીની કિંમતોમાં વધારો જોવા મળ્યો છે. મલ્ટી કમોડિટી એક્સચેન્જમાં ઓક્ટોબર ડિલિવરીનું સોનું 153 રૂપિયે અથવા 0.30 ટકા વધીને 51,922 રૂપિયા પ્રતિ 10 ગ્રામ પહોંચ્યુ છે. જ્યારે મલ્ટી કમોડિટી એક્સચેન્જમાં ડિસેમ્બરમાં મળનારું ચાંદીનો સોદો 33 રૂપિયા એટલે કે 0.05 ટકા વધીને 69,000 રૂપિયા પ્રતિ કિલોગ્રામના ભાવે રહ્યો છે. તેમાં 17,130 લૉટને માટે કારોબાર થયો છે.