તમારા કામનું / ફરી ઘટ્યા સોનાના ભાવ : 2 અઠવાડિયામાં 1200 રુપિયા સસ્તું થયું સોનું, જો કે ચાંદીમાં તેજી, જાણો આજના ભાવ

• MCX પર આજે સોનાનો ભાવ 0.16 ટકા ઘટી ગયો 
• ચાંદીમાં સામાન્ય તેજી આવી છે
• ચાંદી 0.1 ટકાના વધારાની સાથે 59, 615 રુપિયા પ્રતિ કિલોગ્રામ

ભારતીય બજારોમાં સતત બીજા દિવસે સોનાની કિંમતોમાં ઘટાડો જોવા મળી રહ્યો છે. ત્યારે આજે ચાંદીમાં સામાન્ય તેજી આવી છે. નબળા ગ્લોબલ સંકેતોના કારણે સોના-ચાંદીની કિંમતોમાં ઘટાડો જોવા મળી રહ્યો છે. MCX પર આજે સોનાનો ભાવ 0.16 ટકા ઘટી ગયો છે.

સોના- ચાંદીના ભાવ

MCX પર આજે સોનું 0.16 ટકાના ઘટાડાની સાથે 46, 205 રુપિયા પ્રતિ 10 ગ્રામના સ્તર પર છે. ત્યારે ચાંદી 0.1 ટકાના વધારાની સાથે 59, 615 રુપિયા પ્રતિ કિલોગ્રામ પર આવી ગઈ છે.

24 કેરેટ ગોલ્ડનો ભાવ

ગુડ્સરિટર્નની વેબસાઈટ મુજબ દેશના તમામ શહેરોમાં 24 કેરેટ ગોલ્ડનો ભાવ અલગ અલગ છે. 21 સપ્ટેમ્બરે દેશની રાજધાની દિલ્હીમાં 10 ગ્રામ ગોલ્ડની કિંમત 49, 570 રુપિયા મુંબઈમાં 46,120 રુપિયા, ચેન્નાઈમાં 47, 550 અને કોલકત્તામાં 48, 240 રુપિયા છે.

22 કેરેટ ગોલ્ડનો ભાવ

આ ઉપરાંત 22 કેરેટ ગોલ્ડના ભાવની વાત કરીએ તો ગુડરિટર્ન મુજબ દિલ્હીમાં 10 ગ્રામનો ભાવ 45, 440 રુપિયા પર છે. આ ઉપરાંત ચેન્નાઈ 43,590 રુપિયા, મુંબઈમાં 45, 120 રુપિયા અને કોલકત્તામાં 45, 540 રુપિયા પ્રતિ 10 ગ્રામ પર છે.

ઉચ્ચતમ સ્તરથી 10, 000 રુપિયા સસ્તુ મળી રહ્યું છે

ઓગસ્ટ 2020ની સરખામણીએ એમસીએક્સ પર વર્ષ 2020માં આ સમયે 10 ગ્રામ સોનાનો ભાવ લગભગ 56, 200 રુપિયાના ઉચ્ચત્તમ સ્તર પર પહોંચી ગયો હતો. એટલે કે ગોલ્ડ હાલમાં પોતાના ઉચ્ચતમ સ્તરથી 10, 000 રુપિયા સસ્તુ મળી રહ્યું છે.

મિસ્ડ કોલ કરી આ રીતે  જાણો સોનાના ભાવ

ઉલ્લેખનીય છે કે તમે આ ભાવનો સરળતાથી ઘરે બેઠા જાણી શકો છો. આ માટે તમારે ફક્ત આ નંબર 8955664433 પર મિસ્ડ કોલ કરવાનો રહેશે. તમારા ફોનમાં મેસેજ આવી જશે. જેનાથી તમને લેટેસ્ટ ભાવ ખબર પડશે.