ખરીદી મોંઘી / સોનું ગયું હાથ બહાર, પહેલી વાર કિંમત પહોંચી રેકોર્ડબ્રેક લેવલે, અમદાવાદમાં આવ્યો આટલો વધારો

• સોનાની કિંમત મંગળવારે પહોંચી રેકોર્ડબ્રેક લેવલે 
• પહેલી વાર સોનાની કિંમત પહોંચી 57,000ને પાર 
• અમદાવાદમાં એક તોલા સોનાની કિંમતમાં 350 રુપિયાનો વધારો 
• અમદાવાદમાં સોનાની કિંમત થઈ  52, 750 રુપિયા 

પીળી ધાતુ એવા સોનાની ચમક એટલી તીવ્ર બની છે કે હવે લોકોના ખિસ્સાને પરવડે તેવું રહ્યું નથી. મંગળવારે સોનાની કિંમતો રેકોર્ડબ્રેક લેવલે પહોંચી છે. 
સોનું આજે નવી વિક્રમી સપાટી (ગોલ્ડ એટી રેકોર્ડ હાઈ લેવલ) બની ગયું છે અને તેના ભાવ આસમાને પહોંચ્યા છે. વૈશ્વિક સ્તરે સોનાની માગને કારણે સોનાના બાર, સોનાના બિસ્કિટ, સોનાના દાગીનાની કિંમત મજબૂત રીતે વધી રહી છે. 

અમદાવાદમાં સોનાનો ભાવ
અમદાવાદમાં છેલ્લા ચોવીસ કલાકમાં સોનાના ભાવમાં એક તોલાએ 350 રુપિયાનો વધારો થયો છે. હાલમાં અમદાવાદમાં એક તોલા સોનાની કિંમત (22 કેરેટ) 52, 750ની આસપાસ છે જ્યારે 24 કેરેટના શુદ્ધ સોનાનો ભાવ 58,795.00 રુપિયાની આસપાસ છે. છતાંય લગ્નસરાની સિઝન હોવાથી લોકો સોનું ખરીદવામાં પાછળ રહેતા નથી. 

લગ્નસરાની મજબૂત ખરીદી થતા વધી સોનાની કિંમત
હાલમાં લગ્નસરાની સિઝન ચાલી રહી છે તેથી તેની ખરીદી મજબૂત થતા સોનાના ભાવ વધ્યાં છે. અમદાવાદમાં છેલ્લા ચોવીસ કલાકમાં સોનાના ભાવમાં 350 રુપિયાનો વધારો આવ્યો છે. 

આજે સોનાના ભાવ શું છે?
સોનાનો ભાવ ઈતિહાસમાં પ્રથમ વખત 57,000 રુપિયાને પાર કરી ગયો છે અને આજે કારોબાર ખૂલતાની સાથે જ સોનું અત્યાર સુધીની સર્વોચ્ચ સપાટીએ પહોંચી ગયું હતું. મલ્ટી કોમોડિટી એક્સચેન્જ પર આજે સોનાના ભાવ ઘટીને 57030 રૂપિયા પ્રતિ 10 ગ્રામ પર આવી ગયા છે. તેમાં 215 રૂપિયાના ઉછાળા સાથે0.38  ટકાની મજબૂતી જોવા મળી રહી છે. સોનામાં આજે કારોબારની પહેલી મિનિટમાં જ સૌથી વધુ 57046 રૂપિયાની સપાટી જોવા મળી છે. એમસીએક્સ પર સોનાનો આ ભાવ તેના ફેબ્રુઆરીના વાયદા માટે છે.