ભારતીય રૂપિયામાં જોરદાર મજબૂતીને કારણે આ સપ્તાહનો સૌથી મોટો ઘટાડો સોનાના ભાવમાં જોવા મળ્યો હતો. સપ્તાહના છેલ્લા ટ્રેડિંગ દિવસે એટલે કે શુક્રવારે, 24 કેરેટ સોનું 232 રૂપિયાની કિંમતે દિલ્હીના ગોલ્ડ ટુડે માર્કેટમાં સસ્તુ થયું છે.
દિલ્હી બુલિયન માર્કેટમાં સોનાનો ભાવ ઘટ્યો
ચાંદીની કિંમતમાં પણ નોંધાયો ધટાડો
અમેરિકા અને ચીન વચ્ચેનું ટ્રેડ વોર જવાબદાર
જો કે, ચાંદીની કિંમતમાં 7 રૂપિયા પ્રતિ કિલોગ્રામની સામાન્ય ઘટ જોવા મળી હતી. એક્સપર્ટનું કહેવું છે કે, અમેરિકા અને ચીન ટ્રેડ વોર પૂર્ણ કરવાને લઇને ડીલ પર પણ હસ્તાક્ષર થઇ શકે છે. એટલા માટે સોનાની કિંમતમાં જોરદાર ધટાડો નોંધાયો છે.
સોનાના નવા ભાવ :
શુક્રવારે દિલ્હીના સરાફા બજારમાં 24 કેરેટવાળા સોનાના ભાવ 232 રૂપિયાથી ઘટીને 38,486 રૂપિયા પ્રતિ 10 ગ્રામ પર આવી પહોંચ્યો હતો.
આ પહેલા ગુરૂવારે 99.9 ની શુધ્ધતા ધરાવતા સોનાની કિંમતમાં 71 રૂપિયા વધીને 38,564 પ્રતિ 10 ગ્રામ પહોંતચ્યો હતો અને બુધવારે કિંમત 73 રૂપિયા ઘટીને
38,486 થઇ હતી.
સસ્તી થઇ ચાંદી :
શુક્રવારે એક કિલોગ્રામ ચાંદીના ભાવ 45,196 રૂપિયાથી ઘટીને 45,189 પર પહોંચ્યા છે. આ દરમિયાન 7 રૂપિયાનો ઘટાડો નોંધાયો હતો.
શું આગામી સમયમાં પણ સસ્તુ થશે સોનું ?
HDFC સિક્યુરિટીના વરિષ્ઠ વિશ્લેષક તપન પટેલ કહે છે કે ભારતીય રૂપિયાની મજબૂતીને કારણે સોનાના ભાવ પર દબાણ જોવા મળી રહ્યો છે. આ સાથે જ આગામી સમયગાળામાં પણ કિંમતમાં ઘટાડો થઇ શકે તેવી સંભાવના જોવા મળી રહી છે. વધુમાં તેમનું કહેવું છે કે ટ્રેડ વોરના અંત સાથે સંબંધિત ડીલ પર કોઈપણ સમયે હસ્તાક્ષર થઈ શકે છે.