સ્પોર્ટ્સ / ભારતને ગોલ્ડ મૅડલ અપાવનાર આ એથ્લેટનો મૅડલ છીનવી લેવાયો, ચાર વર્ષ સુધી પ્રતિબંધ

• ગોમતી પર ચાર વર્ષનો પ્રતિબંધ
• ગોલ્ડ મૅડલ પરત લેવાયો

એથ્લેટિક્સ ઇન્ટિગ્રિટી યુનિટ (એઆઇયુ)એ આ અંગેની જાણકારી આપી. AIUએ જણાવ્યું કે 31 વર્ષિય ભારતીય સ્પ્રિન્ટરને મે-2023 સુધી પ્રતિબંધિત કરી દેવામાં આવી છે અને ગત વર્ષે બે મહિનાના સમયગાળાની બધી રેસમાં અયોગ્ય જાહેર કરી દેવામાં આવી છે.

ગોમતી 2019ની એશિયન ચેમ્પિયનશિપમાં એનાબોલિક સ્ટેરોઇડ નોનડ્રોલોનનું સેવન કરવા બદલ દોષી ઠરી હતી. ગોમતીનું 'બી' સેમ્પલ પણ પોઝિટિવ આવ્યા બાદ તેના પર પ્રતિબંધ લગાવવાનો નિર્ણય કરવામાં આવ્યો હતો. ત્યાર બાદ ગોમતીના ત્રણ અન્ય ટેસ્ટ પણ પોઝિટિવ આવ્યા હતા.

18 માર્ચથી 17 મે, 2019 દરમિયાન જેટલી પણ ટૂર્નામેન્ટમાં ભાગ લીધો હતો, તેમાં તેની ભાગીદારીને રદ કરી દેવામાં આવી છે. ગોમતી હવે રમત CASમાં આ નિર્ણય સામે અપીલ કરી 
શકે છે.