બજાર / સોના-ચાંદીના ભાવમાં વધારો, ફરી ભારે ભરખમ ભાવ વધારાની શક્યતા, જાણો શું છે આજની કિંમત

• 63000 રુપિયા સુધી જશે કિંમતો
• ગોલ્ડ 44890 રુપિયા પ્રતિ 10 ગ્રામના સ્તર પર ટ્રેડ કરી રહ્યુ છે
• ચાંદી 76 રુપિયાના વધારા સાથે 66995 રુપિયાના સ્તર પર 

ગોલ્ડ 44890 રુપિયા પ્રતિ 10 ગ્રામના સ્તર પર ટ્રેડ કરી રહ્યુ છે

સોના-ચાંદીના ભાવમાં વધારા છતાં ગત વર્ષની સરખામણીએ 11500 હજાર રુપિયાનો ઘટાડો જોવા મળ્યો છે. એટલે કે ગત વર્ષે સોનું ઘણું સસ્તુ થઈ ચૂક્યું છે. આજે એમસીએક્સમાં તેજીની સાથે ખુલ્યુ. 77 રુપિયાના વધારાની સાથે ગોલ્ડ 44890 રુપિયા પ્રતિ 10 ગ્રામના સ્તર પર ટ્રેડ કરી રહ્યુ છે. આ ઉપરાંત ચાંદી 76 રુપિયાના વધારા સાથે 66995 રુપિયાના સ્તર પર છે.

ગોલ્ડના રેટમાં તેજી જોવા મળી રહી છે

ઈન્ટરનેશનલ માર્કેટની વાત કરીએ તો અહીં ગોલ્ડના રેટમાં તેજી જોવા મળી રહી છે. અમેરિકામાં સોનાનો વ્યાપાર 4.16 ડોલરની તેજીની સાથે 1735.93 ડોલર પ્રતિ ઔંસના રેટ પર ચાલી રહી છે.  ત્યારે ચાંદીનો કારોબાર 0.01 ડોલરના ઘટાડા સાથે 26.19 ડોલરના સ્તર પર થઈ રહ્યો છે.

મહાનગરોમાં 24 કેરેટ ગોલ્ડનો ભાવ

દેશની રાજધાની દિલ્હીમાં 24 કેરેટ ગોલ્ડનો ભાવ 48150 રુપિયા પ્રતિ 10 ગ્રામ છે. આ ઉપરાંત ચેન્નાઈ 46100 રુપિયા મુંબઈમાં 44, 840 રુપિયા અને કોલકત્તામાં 46, 900 રુપિયા 10 ગ્રામના લેવલ પર ટ્રેડ કરી રહ્યું છે.

મંગળવારે દિલ્હી સરાફા બજારમાં ગોલ્ડના ભાવ

દિલ્હી સરાફા બજારમાં મંગળવારે સોનાના ભાવમાં 10 ગ્રામ દીઠ રૂ .45 નો નજીવો વધારો થયો હતો.પાટનગર દિલ્હીમાં 10 ગ્રામ દીઠ 99.9 ગ્રામ શુદ્ધ સોનાનો નવો ભાવ હવે 44,481 રૂપિયા થયો છે.  ટ્રેડિંગ સેશનની શરૂઆતમાં સોનાનો ભાવ 10 ગ્રામના રૂ.44,436 પર બંધ રહ્યો હતો. તે જ સમયે, આંતરરાષ્ટ્રીય બજારમાં સોનાનો ભાવ આજે 1,730 ડોલર પ્રતિ ઔંસ પર પહોંચી ગયો છે. ચાંદીના નવા ભાવ- ચાંદીના ભાવમાં પણ મંગળવારે થોડો વધારો નોંધાયો છે. દિલ્હી બુલિયન માર્કેટમાં આ સફેદ કિંમતી ધાતુની કિંમત હવે રૂ.116 વધી 66,740 થઈ છે. આંતરરાષ્ટ્રીય બજારમાં મંગળવારે ચાંદી 26.11 ડોલર પ્રતિ ઔંસના સ્તરે રહી છે.

કેમ આવી રહી છે તેજી

એચડીએફસી સિક્યોરિટીઝના સિનિયર એનાલિસ્ટ તપન પટેલના કહેવા પ્રમાણે, ન્યૂયોર્કના કોમોડિટી એક્સચેંજ કોમેક્સ પર સોના ભાવ સામાન્ય રીતે ઘટીને સ્થિર રહ્યા બાદ પણ ભારતમાં સોનાના ભાવમાં થોડો વધારો થયો છે. તેમના મતે ડોલર સામે રૂપિયાની મજબૂતીને કારણે સોનાના ભાવમાં નજીવો વધારો થયો છે.

63000 રુપિયા સુધી જશે કિંમતો

ભારતમાં લગ્નની સિઝનના કારણે થનારી ખરીદીથી હવે સોના- ચાંદીની કિંમતોને સમર્થન મળશે. તેનાથી જો હાજર કિંમતો પર ગોલ્ડમાં રોકાણ કરવામાં આવે તો આ લાંબા સમયમાં મોટો ફાયદો આપી શકે છે. વિશેષજ્ઞોનું માનવું છે કે 2021માં ગોલ્ડની કિંમત નિશ્ચિત રીતે વધી શકે છે. અંદાજો છે કે સોનાની કિંમતો 63000 રુપિયાના સ્તરને પાર કરી દેશે. જો એવું થશે તો રોકાણકારોને ફાયદો થશે.