તમારા કામનું / જલ્દી કરો! લગ્ન પ્રસંગ માટે સોનુ-ચાંદી ખરીદવા હોય તો શાનદાર તક! આજે ફરી ભાવ ઘટ્યા, જાણો લૅટેસ્ટ રેટ

• સોનાના ભાવમાં આજે ઘટાડો
• વૈશ્વિક બજારમાં સોનાના ભાવમાં નરમાઇ
• ભારતીય બજારમાં સોનુ નીચે ગયું 

થોડા દિવસોમાં લગ્નની સિઝન શરુ થવાની છે. એટલે હાલમાં ખરીદીનો દોર શરુ થઇ ગયો છે. લગ્નસરાની વસ્તુઓની ખરીદી કરવામાં આવી રહી છે. લગ્નમાં સોનાની ખરીદી ખાસ કરવાની હોય છે. જે માટે તમે સોનાના ભાવ ઘટે તેવી રાહ જોતા હોવ તો આજનો દિવસ બેસ્ટછે. કારણ કે આજે સોનાના ભાવમાં ઘટાડો નોંધાયો છે. વૈશ્વિક બજારમાં સોનાના ભાવમાં થોડી નરમાઈ જોવા મળી છે, જેના કારણે ભારતીય બજારમાં પણ સોનું નીચે ગયું છે. બુધવારે સોનું 52 હજારની નજીક આવી ગયું છે. તે જ સમયે, ચાંદીના ભાવમાં પણ ઘટાડો થયો છે. ચાલો જાણીએ હાલના લેટેસ્ટ ભાવ 

સોના અને ચાંદીની કિંમત કેટલી છે ?

મલ્ટિકોમોડિટી એક્સચેન્જ (MCX) પર બુધવારે સવારે  24-કેરેટ સોનાની વાયદાની કિંમત 0.69 ટકા ઘટીને રૂ. 52,383 પ્રતિ 10 ગ્રામ પર ટ્રેડ થઈ રહી છે. આ સાથે જ ચાંદી પણ 69 હજારની નીચે આવી ગઈ છે. આજે ચાંદીનો ભાવ 0.82 ટકા ઘટીને રૂ. 68,203 પ્રતિ કિલો પર ટ્રેડ થઈ રહ્યો છે.

ડૉલરના દબાણથી ઘટ્યા ભાવ 

મહત્વનું છે કે  યુએસ ડોલર તેના સર્વોચ્ચ સ્તરે છે. અને આ જ કારણ છે કે સોના અને ચાંદીના ભાવમાં વધારો થઈ રહ્યો છે. યુએસ ટ્રેઝરી બોન્ડની યીલ્ડ વધીને 2.9 ટકા થઈ છે, જેની અસર સોનાના ભાવ પર પણ પડી રહી છે. જોકે હાલમાં સોનું નીચે તરફ આગળ વધી રહ્યું છે.

આ પ્રકારે થઇ શકશે શુદ્ધતાની જાણ 
જ્વેલરીની શુદ્ધતા માપવાના પ્રકારો એક જ હોય છે. આમાં હોલમાર્ક સતાહે જોડાયેલ ઘણા પ્રકારના નિશાન જોઈ શકાય છે, આ નિશાનોનાં માધ્યમથી જ્વેલરીની શુદ્ધતા માપી શકાય છે. આમા એક કેરેટથી લઈને 24 કેરેટ સુધીની શુદ્ધતાની તપાસ કરી શકાય છે. 

• 22 કેરેટની જ્વેલરી પર 916 લખેલ હશે. 
• 21 કેરેટની જ્વેલરી પર 875 લખેલ હશે.
• 18 કેરેટની જ્વેલરી પર 750 લખેલ હશે.
• 14 કેરેટની જ્વેલરી પર 585 લખેલ હશે.