ગોવામાં તૃણમૂલ કોંગ્રેસ માટે જમીન તૈયાર કરવાની કોશિશમાં લાગેલા ચૂંટણી રણનીતિ કાર પ્રશાંત કિશોરના સંગઠન I-PAC ના ઠેકાણા પર પોલીસે રેડ મારી છે.
ગોવામાં પ્રશાંત કિશોરની કંપની પર દરોડા
TMC માટે કામ કરી રહ્યા છે પ્રશાંત કિશોર
કંપનીના એક કર્મચારીને ગાંજા સાથે ઝડપી લીધો
ગોવામાં તૃણમૂલ કોંગ્રેસ માટે જમીન તૈયાર કરવાની કોશિશમાં લાગેલા ચૂંટણી રણનીતિ કાર પ્રશાંત કિશોરના સંગઠન I-PAC ના ઠેકાણા પર પોલીસે રેડ મારી છે. કાર્યવાહી દરમિયાન પોલીસે પ્રશાંત કિશોરની કંપની I-PACના એક કર્મચારીને પોરવોરિમ શહેરથી ધરપકડ કર્યો છે. આરોપી પાસે ગાંજો જપ્ત કરવામાં આવ્યો છે.
પોલીસે દરોડા પાડ્યા
ગોવા પોલીસે શુક્રવારે પોરવોરિમના કેટલાય બંગલામાં દરોડા પાડ્યા હતા. અહીં 8 બંગલા I-PACએ ભાડે રાખ્યા છે. આ રેડ દરમિયાન જ I-PAC ના કર્મચારીઓને ધરપકડ કરવામાં આવ્યા હતા. ધરપકડ કરાયેલા કર્મચારીની ઉંમર 28 વર્ષ છે. પોલીસે તેના વિરુદ્ધ એનડીપીએસ એક્ટ અંતર્ગત કેસ દાખલ કર્યો છે.
ટીએમસી અને પ્રશાંત કિશોર વચ્ચે ખટાશ આવી
આપને જણાવી દઈએ કે, ગોવામાં વિધાનસભા ચૂંટણી માટે 14 ફેબ્રુઆરી મતદાન થવાનું છે. છેલ્લા લગભગ દોઢ વર્ષથી ટીએમસી માટે રણનીતિ તૈયાર કરી રહેલા પ્રશાંત કિશોર ગોવામાં પાર્ટીનું કામ સંભાળી રહ્યા છે. જો કે, થોડા દિવસ પહેલા પ્રશાંત અને ટીએમસી વચ્ચે ખટાશના સમાચાર પણ આવી રહ્યા હતા. આ પહેલી વાર નથી, જ્યારે પ્રશાંત કિશોરના કોઈ પાર્ટી સાથે સંબંધો ખરાબ થયા હોય.
પાર્ટી નેતા પણ કરી રહ્યા હતા વિરોધ
હાલમાં જ મમતા સરકારમાં મંત્રી ચંદ્રિમા ભટ્ટાચાર્યએ દાવો કર્યો હતો કે, તેમના અકાઉન્ટમાં "One Man One Post" ને લઈને કંઈક શેર કરવામાં આવ્યું હતું. તેના વિશે તેની પાસેથી કોઈ પરમિશન લેવામાં આવી નહોતી. આપને જણાવી દઈએ કે, ટીએમસીએ ગત વર્ષે જૂનમાં "One Man One Post" પહેલ શરૂ કરી હતી. ત્યારે I-PAC કંપનીએ પણ તેને સ્વિકૃતિ આપી હતી અને તેનું સમર્થન કરતા હતા.
I-PAC આપી સ્પષ્ટતા
આ વિવાદ પર I-PACને પણ પોતાની પ્રતિક્રિયા આપી હતી. I-PACએ કહ્યું હતું કે, તે કોઈ પણ નેતાનું ડિજિટલ પ્રોપર્ટીનો ઉપયોગ કરતા નથી. જે પણ આવા દાવા કરી રહ્યા છે. તેમને યા તો જાણકારી નથી, અથવા તો ખોટું બોલી રહ્યા છે. તો વળી આ વાત પર ભાર આપવામાં આવ્યો છે કે, જે સોશિયલ મીડિયા અકાઉન્ટ બનાવ્યા હતા, તે ફક્ત બંગાળ ચૂંટણી પહેલા સુધી જ એક્ટિવ હતાં. બાદમાં તમામ પાસવર્ડ પાર્ટીને સોંપી દેવામાં આવ્યા હતાં. અને આ નિર્ણય પાર્ટીનો હતો.