આકરી સજા / દીકરીએ પ્રેમ લગ્ન કર્યા, શરીરના રૂંવાડા ઉભા કરી નાખે તેવી આપી માતા-પિતાએ સજા

• પ્રેમ વિવાહ કરનારી યુવતીને તેના જ માતા-પિતાએ આપી સજા
• પોલીસે યુવતીના માતા-પિતાની કરી ધરપકડ
• માતા-પિતાએ ગરમ છરી વડે દીકરીના શરીર પર આપ્યાં ડામ

યુવકે પોલીસને આપી માહિતી

યુવકે જ્યારે પોતાની પત્નીની આ સ્થિતિ જોઈ ત્યારે યુવકે પોલીસને આ ઘટનાની જાણકારી આપી. આ ઘટના દિલ્હીના ભલસ્વા ડેયરી વિસ્તારની છે. પોલીસે યુવતીને વધુ સારવાર માટે હોસ્પિટલમાં દાખલ કરી અને તેના નિવેદન પર ફરીયાદ નોંધી છે. પોલીસે આ સમગ્ર કેસની કાર્યવાહી કરતા યુવતીના માતા-પિતાની ધરપકડ કરી છે.

નિકટતા વધતા યુવતીને યુવક સાથે થયો પ્રેમ

પીડિતાની ઓળખ સ્વામી શ્રદ્ધાનંદ નિવાસી આનંદીના રૂપમાં કરી છે. આનંદીએ પોલીસને જણાવ્યું કે, ચાર વર્ષ પહેલાં તેની મુલાકાત બાજુમાં રહેતા રંજન સાથે થઈ હતી. વધુ નિકટતા વધતા બંને વચ્ચે પ્રેમ પાંગળ્યો હતો. 7 સપ્ટેમ્બરે બંનેએ રોહિણી કોર્ટમાં પ્રેમ લગ્ન કર્યા હતા. લગ્ન કર્યા બાદ આનંદી તેના સાસરિયે ગઈ હતી. આ સમયે આનંદીની સાસુ સુનીતા દેવી ઘર પર ન હતી. તેણી નણંદને બાળક આવવાન હતુ. તેથી સુનિતા દેવી હોસ્પિટલ ગઈ હતી. રાત્રે અંદાજે ત્રણ વાગ્યે યુવતીની માતા અનિતા દેવી રંજનના ઘરે પહોંચી અને યુવતીને બળજબરીપૂર્વક પોતાના ઘરે લઈ ગઈ.

મારા માતા-પિતા તરફથી મને માર મારવામાં આવ્યો?: પીડિત યુવતી

જોકે, યુવતીની સાસુએ કહ્યું કે બાળકોએ લગ્ન કરી લીધા છે તો તેને અહીં રહેવા દો. પરંતુ તેની માતા માની નહી અને યુવતીને પોતાની સાથે લઈને જતી રહી. આનંદીએ આરોપ લગાવ્યો છે કે અમે અમારી મરજીપૂર્વક લગ્ન કર્યા તેથી તેને માર મારવામાં આવ્યો છે અને પછી ગરમ છરી વડે તેના ચહેરા, હાથ અને પગ પર ડામ આપવામાં આવ્યાં.