ગુજરાતમાં સ્ત્રીઓની સલામતી સામે સવાલો ઉઠી રહ્યા છે. રાજ્યના પ્રમુખ શહેરોમાં છાશવારે મહિલાઓ, યુવતીઓ અરે બાળકીઓ ઉપર દુષ્કર્મની ઘટનાઓ બની રહી છે ત્યારે રાજકોટમાં એક યુવતીની છેડતી થઈ હતી એટલું જ નહીં પરંતુ નરાધમ આરોપીઓએ પોતાની કારમાં યુવતીનો પીછો કરીને તેને ડરાવવાની પણ કોશિશ કરી હતી આ તમામ ઘટના CCTVમાં કેદ થઈ ગઈ હતી. રાજકોટમાં યુવતીની છડેચોક છેડતીને પગલે ચકચાર મચી ગઈ છે.
કાલાવડ રોડ પર મોડી રાત્રે યુવતી સાથે છેડતી
રાજકોટમાં વધુ એક યુવતીની છેડતીની ઘટના
સ્વીફ્ટ કારમાં આવેલા ત્રણ શખ્સોએ કરી છેડતી
રાજયમાં મહિલાઓ સુરક્ષીત નથી. તેમાંય રાજકોટ શહેરમાં આવારા તત્વોનો આતંક વધી રહ્યો છે. છેલ્લા કેટલાક સમયથી ગુજરાતમાં દુષ્કર્મ, છેડતી, સતામણીના કિલ્લા વધી રહ્યા છે. તેમાંય રાજકોટમાં મોડી રાતે એક યુવતીની છેડતીનો મામલો સામે આવ્યો છે જેને પરીણામે પોલીસે CCTVને આધારે બે આરોપીઓની અટકાયક કરી છે.
ક્યાં ઘટી ઘટના
રાજકોટમાં વધુ એક યુવતીની છેડતીની ઘટના સામે આવી છે. કાલાવડ રોડ પર મોડી રાત્રે યુવતી સાથે છેડતીની ઘટના ઘટી હતી. સ્વીફ્ટ કારમાં આવેલા ત્રણ શખ્સોએ યુવતીની છેડતી કરી હતી. યુવતી સ્કૂટર પર જઈ રહી હતી. આ નરાધમોએ કોટેચા ચોક થી કે.કે.વી. હોલ સુધી યુવતીની પીછો કર્યો હતો.
યુવતીનો પીછો કરીને બિભત્સ ગાળો ભાંડી
યુવતીનો પીછો કરી બિભત્સ ગાળો ભાંડી હતી. યુવતીએ માલવીયાનગર પોલીસમાં ફરિયાદ નોંધાવી છે. પોલીસે CCTV ના આધારે બે શખ્સોની અટકાયત કરી છે. જો કે એક શખ્સ હજુ સુધી પોલીસ પકડથી બહાર છે.