ટોણો / ભાજપ નેતાનો રાહુલ ગાંધીને ટોણો, કહ્યું જ્યાં સુધી નરેન્દ્ર મોદી PM છે ત્યાં સુધી તમે એન્જોય કરો

ખરેખર બન્યુ એવુ કે રાહુલ ગાંધીએ ટ્વિટ કરી લોકોને નવા વર્ષની શુભકામના પાઠવી. રાહુલ ગાંધીએ પોતાના ટ્વિટમાં લખ્યું - નવા વર્ષમાં આપણે એમને યાદ કરીએ છીએ જેને આપણે આ વર્ષે ગુમાવી દીધા અને તેમનો આભાર માનીએ છીએ કે જે લોકોએ આપણી રક્ષા કરતા પોતાનો જીવ ગુમાવી દીધો. મારુ હૃદય તે ખેડૂતો અને મજદૂરોની સાથે છે જે અન્યાય સામે પોતાનો વિરોધ દર્શાવી રહ્યાં છે. 
 

As the new year begins, we remember those who we lost and thank all those who protect and sacrifice for us.

My heart is with the farmers and labourers fighting unjust forces with dignity and honour.

Happy new year to all. pic.twitter.com/L0esBsMeqW

— Rahul Gandhi (@RahulGandhi) December 31, 2020

રાહુલ ગાંધીના આ ટ્વિટને ગિરીરાજ સિંહે રિટ્વીટ કરી તેના ટોણો માર્યો. ગિરિરાજ સિંહે લખ્યું કે, જ્યાં સુધી પ્રધાનમંત્રી નરેન્દ્ર મોદી છે ત્યાં સુધી તમે નિશ્ચિત થઇને ફરી શકો છો અને એન્જોય કરી શકો છો. પાર્ટી હાર્ડ.
 

जब तक हिंदुस्तान के प्रधानमंत्री नरेंद्र मोदी जी हैं तब तक आप निश्चिंत होकर घूम सकते है,एंजॉय कर सकते।
पार्टी हार्ड। https://t.co/gXlmYwskcB

— Shandilya Giriraj Singh (@girirajsinghbjp) January 1, 2021

વર્ષના પહેલા દિવસે રાહુલ ગાંધીના ટ્વિટ પર ગિરિરાજ સિંહે એવી પ્રતિક્રિયા આપી સોશિયલ મીડિયા યૂઝર્સ કોમેન્ટ કરી રહ્યાં છે. કેટલા લોકો ગિરિરાજ સિંહે મારેલા ટોણોની પ્રશંસા કરી રહ્યાં છે કે વર્ષ ના પહેલા દિવસે તો છોડી દો. જ્યારે ઘણા યૂઝર્સ ગિરિરાજ સિંહેને ટ્રોલ કરવા લાગ્યાં.

ગિરિરાજ સિંહેને ટ્રોલ કરનારા લખવા માંડ્યા કે મોદી જી છે એટલે ચીનના સૈનિક લદ્દાખમાં 6 મહીનાથી  ભારત માતાની જમીન હડપ કરી લીધી છે. જ્યારે બીજા યૂઝર્સે લખ્યું કે બિહારમાં રોજ હત્યા, દૂષ્કર્મ અને લૂંટ થઇ રહી છે અને તમે કહી રહ્યાં છો કે લોકો નિશ્ચિત રહે.

ઉલ્લેખનીય છે કે કોંગ્રેસના પૂર્વ અધ્યક્ષ રાહુલ ગાંધી કેટલાક દિવસ પહેલા જ રજા માણવા ઇટાલી પહોંચ્યા હોવાના એક અહેવાલ સામે આવ્યાં છે. તેમના ઇટાલી પ્રવાસને લઇને સોશિયલ મીડિયાથી લઇને રાજકીય પક્ષોમા પણ ચર્ચા જોવા મળી. જો કે હાલમાં ગિરિરાજસિંહના ટ્વિટ પર રાહુલ ગાંધી દ્વારા કોઇ પ્રતિક્રિયા સામે આવી નથી.