ડાલામથાને મનાવતી જોવા મળી સિંહણ VIDEO જોઇ તમે પણ થઇ જશો આફરીન

ગીર-સોમનાથ: જંગલોમાં જંગલના રાજા સિંહના પરિવારનો અદભૂત નજારો જોવા મળ્યો હતો. સિંહ પોતાના પરિવાર સાથે મસ્તી કરતો નજરે પડયો તો સિંહ-સિંહણની મસ્તી કેમેરામાં કેદ થઈ હતી. જોકે વનરાજ સિંહણથી નારાજ હોય તેવું લાગ્યું.

સિંહણે વનરાજાને મનાવવા માટે પ્રયાસો પણ કર્યા. જોકે સિંહણના તમામ પ્રયાસો નિષ્ફળ રહ્યા. અંતે સિંહને રિઝવવાનો પ્રયાસ નિષ્ફળ રહેતા સિંહણ પોતાનો માર્ગ બદલી દે છે અને ત્યાંથી ચાલી જાય છે. આ તમામ ઘટના કોઈ વ્યક્તિએ પોતાના મોબાઈલમાં કેદ કરી છે.



ઉલ્લેખનીય છે કે રાજ્યમાં છેલ્લા કેટલાય સમયગાળાથી સિંહના વીડિયો સોશિયલ મીડિયામાં વાયરલ થતા રહ્યા છે છે ત્યારે આજરોજ પણ ગીરના કોઇ સ્થળે સિંહનો એક પરિવાર મસ્તી કરતો હોય તેવા દ્રશ્યો કચકડે કેદ થયેલા જોવા મળ્યા હતા.

આપને જણાવી દઇએ કે રાજ્યમાં સિંહની વસ્તી ઓછી છતાં કોઇને કોઇ રીતે તેની પજવણી કરવામાં આવી રહી હોય તેવા VIDEO પણ છેલ્લા કેટલાક સમયમાં ફરતા થયા છે ત્યારે શું રાજ્યનો વનવિભાગ કુંભકરણની નિંદ્રામાં પોઢી રહ્યો છે...? કેમ વનવિભાગ દ્વારા કાયદેસરના પગલા ભરવામાં આવી રહ્યા નથી..? જેવા અનેક સવાલો ચર્ચાનું કેન્દ્ર બન્યા છે.