- કેસરનો સ્વાદ લાગશે મોંઘો
- ફૂલ સિઝનમાં પણ 1500 આસપાસ હશે ભાવ
- 20 થી 25 ટકા જ થશે કેરીનું ઉત્પાદન
ઉનાળામાં લોકોનું ફેવરિટ ફ્રૂટ એટલે કે, કેસર કેરી.બજારમાં કેસરના આગમન સાથે જ લોકો પડાપડી કરતા હોય છે.પરંતુ આ વર્ષે કેસરના રસિયાઓને તેનો સ્વાદ મોંઘો લાગશે.
માવઠાં અને રોગચાળાના કારણે ભારે નુકસાની
કેસર કેરી માટે આમ તો તાલાલા ગીર પ્રખ્યાત છે.પરંતુ આ વર્ષે કેસર કેરીનું ઉત્પાદન કરતા ગીર સોમનાથ-જૂનાગઢ, અમરેલી જિલ્લામાં કેરીનો પાક ખુબ ઓછો થશે.ગત વર્ષે તૌકતે વાવાઝોડાની અસર તો વર્તાઈ રહી જ છે.પરંતુ તેની સાથે સાથે શરૂઆતમાં માવઠું અને ત્યાર બાદ ઝાકળના કારણે કેરીના આવરણમાં ભારે નુકસાની પહોંચી છે. શરૂઆતથી જ આંબામાં ઓછું આવરણ જોવા મળ્યું હતું.તેવામાં મગિયો અને ભૂકીછારા નામનો રોગ આવતા વધુ નુકસાની પહોંચી.જેના કારણ હાલ 20 થી 25 ટકા જ કેરી ઝાડ પર જોવા મળી રહી છે.આમ ખેડૂતોને તો નુકસાની છે જ.પરંતુ આ વખતે કેરીના રસિયાઓને પણ કેસરનો સ્વાદ મોંઘો લાગશે.
બજારમાં હાલ 1700થી 2000 સુધી ભાવ
મહત્વનું છે કે, કેરીની ફૂલ સિઝનમાં તો આ વખતે કેરીના ભાવ 1500 આસપાસ રહેશે જ.પરંતુ હાલમાં પ્રથમ આવરણની કેરીનું બજારમાં આગમન થઈ ચૂક્યું છે.અને તાલાલાની માર્કેટમાં તેના 1700થી 2000 રૂપિયા 10 કિલોના બોક્સના ભાવ બોલાયા છે.જોકે ફૂલ સિઝનમાં પણ ભાવ રહેશે તેવી ખેડૂતોને આશા છે. હાલ તો ખેડૂતો પણ જે 20 થી 25 ટકા પાક નુકસાનીથી બચી ગયો છે.તેને બચાવી રાખવા માટે મથી રહ્યા છે.બીજી તરફ તાલાલા મેંગો માર્કેટમાં પણ દર વર્ષે 8 થી 10 લાખ કેસરના બોક્સની આવક થતી હતી.તેની સામે 3 થી 4 લાખ બોક્સ જ આવવાની સંભાવના છે.,.ત્યારે જોવાનું એ રહેશે કે, ઓછા ઉત્પાદન સામે કેરીના ભાવ કેટલા ઉચકાઈ છે.
સ્પેશિયલ રાહત પેકેજની માંગ
હાલમાં ત્રણ તબક્કાનું ફલાવરિંગ આંબાઓમાં જોવા મળી રહ્યું છે.શરૂઆતની કેરી 20 થી 30 દિવસમાં પાકી જશે.જેનો શરૂઆતી ભાવ 1500 થી 2 હજાર રૂપિયા પ્રતિ બોક્સનો રહેશે.બીજા તબક્કાની કેસરનો ભાવ પણ ઉંચોજ રહેવા પામશે.જ્યારે ત્રીજા તબક્કાની કેરી જૂજ માત્રામાં બજારમાં આવશે ત્યારે ચોમાસું આંબી જવાની સંભાવના રહેલી છે.માટે ત્યારે પણ ભાવ ઊંચા રહેશે.જો ભાવ ઘટી જાય તો ખેડૂતોને મોટી નુકશાની જઈ શકે.ઓછા ઉત્પાદનને કારણે ભાવો તો જળવાઈ રહેશે.પણ ખર્ચના પ્રમાણમાં આવક ઘટશે.આથી ખેડૂતોની સરકાર પાસે માંગ છે કે, 'સરકાર કેસર પકવતા ખેડૂતો માટે સ્પેશિયલ રાહત પેકેજ જાહેર કરે
