ઘણાં લોકોને ચહેરા પર બ્લેક અથવા ડાર્ક સ્પોટ્સ થઈ જતા હોય છે. શિયાળામાં આ સમસ્યા વધી જાય છે. તેના કારણે સ્કિન અનઈવન લાગે છે અને ચહેરા પર ડાર્ક પેચ પણ થાય છે. સામાન્ય રીતે સ્કિનની યોગ્ય દેખભાળ ન કરવાથી ખીલ થવા લાગે છે. જેના પછી ચહેરા પર ડાર્ક સ્પોટ્સ પડી જાય છે. આ સમસ્યાને દૂર કરવા માટે આદુનો ઉપયોગ બેસ્ટ ઉપાય છે. આદુમાં રહેલાં એન્ટીબેક્ટેરિયલ અને એન્ટીઈન્ફ્લામેટરી ગુણ સ્પોટ્સ દૂર કરવામાં મદદ કરે છે. ચાલો જાણીએ.
સામાન્ય રીતે સ્કિનની યોગ્ય દેખભાળ ન કરવાથી ખીલ થવા લાગે છે
શિયાળામાં ખાસ કરી લો સ્કિન માટે આદુનો આ ઉપાય
આદુમાં રહેલાં એન્ટીબેક્ટેરિયલ અને એન્ટીઈન્ફ્લામેટરી ગુણ સ્પોટ્સ દૂર કરવામાં મદદ કરે છે
આદુના ફાયદા
આયુર્વેદમાં આદુને અતિકારગર ઔષધી માનવામાં આવે છે. જો તમે રોજ આદુનો પ્રયોગ કરો તો તમે ઘણી બધી બીમારીઓ અને પ્રોબ્લેમ્સથી બચી શકો છો. તેમાં રહેલું જિંજેરોલ હેલ્થ માટે ખૂબ જ અક્સીર માનવામાં આવે છે. આ સિવાય આદુના રસનો ઉપયોગ તેનાથી પણ વધારે ફાયદાકારક છે અને ઝડપથી અસર કરે છે.
સ્કિન માટે આદુના ઉપાય
આદુનો રસ અને મધ- 2 ચમચી આદુના રસમાં 2 ચમચી મધ મિક્સ કરીને રોજ સવારે ખાલી પેટ પીવાથી લોહી સાફ થાય છે. જેનાથી સ્કિન પણ હેલ્ધી રહે છે.
એલોવેરા અને આદુ
1 ચમચી આદુના રસમાં 1 ચમચી એલોવેરા જેલ મિક્સ કરો. તેમાં થોડાં ટીપાં મધ પણ નાખો અને આ પેસ્ટને ડાર્ક સ્પોટ્સ પર લગાવી 30 મિનિટ રાખો અને પછી નવશેકા પાણીથી ચહેરો ધોઈ લો.
આદુ અને ઓલિવ ઓઈલ
આદુના રસમાં ઓલિવ ઓઈલ મિક્સ કરીને સ્કિન પર લગાવો. 15 મિનિટ રાખીને નવશેકા પાણીથી ધોઈ લો.
આદુ અને મધ
થોડો આદુનો પાઉડર લઈ તેમાં મધ મિક્સ કરી પેસ્ટ બનાવો. જ્યાં ડાર્ક સ્પોટ્સ હોય ત્યાં 20 મિનિટ લગાવીને પછી નવશેકા પાણીથી ચહેરો ધોઈ લેવો.
આદુ અને ગ્રીન ટી
ગ્રીન ટી બનાવતી વખતે તેમાં આદુનો કટકો મિક્સ કરો. હવે આ ટીને ગાળીને પ્રભાવિત ભાગ પર લગાવી 30 મિનિટ પછી નવશેકા પાણીથી ચહેરો ધોઈ લેવો.
આદુ અને લીંબુનો રસ
આદુને પીસીને તેમાં થોડો લીંબુનો રસ મિક્સ કરીને ડાર્ક સ્પોટ્સ હોય તે જગ્યાએ લગાવો. 10 મિનિટ પછી ચહેરો ધોઈ લો.