Recipe / ઈમ્યુનિટી વધારવાની સાથે ગળાના દર્દ અને ખાંસીમાં પણ રાહત આપે છે આ ખાસ બરફી, રીત જાણી ફટાફટ કરી લો તૈયારી

• ઘરે જ બનાવી લો આદુની ખાસ બરફી
• ઈમ્યુનિટી વધારવાની સાથે ખાંસીમાં પણ આપે છે રાહત
• જાણો આદુની બરફી બનાવવાની રેસિપિ

આદુ ગળાની ખરાશની સાથે સાથે ઈમ્યુનિટી વધારવામાં મદદ કરે છે. તમે આદુનો ઉપયોગ ચામાં, ઉકાળામાં કરી શકો છો.પરંતુ જો સાથે જ તમે આ આદુની બરફી બનાવી લેશો અને રોજ સવાર - સાંજ તેનો એક એક ટુકડો ખાઈ લેશો તો પણ તમારી ઈમ્યુનિટી ઝડપથી વધશે અને બીમારીનો ડર ઘટશે. કેટલાક લોકો આ આદુની બરપીને આદુ પાકના નામે પણ ઓળખે છે. તો જાણો બનાવવાની રીત.
 

આદુની બરફી

સામગ્રી

• આદુ- 100 ગ્રામ
• ખાંડ - 200 ગ્રામ
• ઘી- 2 નાની ચમચી
• એલચી- 10 નંગ

 
રીત
સૌ પહેલા આદુ લાવીને તેને સારી રીતે ધોઈ લો. હવે તેને છોલી લો અને તેના મોટા ટુકડા કાપી લો. આ ટુકડાને મિક્સરમાં ફેરવી લો. તેમાં થોડું દૂધ મિક્સ કરીને તેને બારીક પેસ્ટ જેવું બનાવી લો. હવે ગેસ પર એક પેન મૂકો.. તેને ગરમ થવા દો. પેન ગરમ થાય એટલે તેમાં ઘી ઉમેરો. ઘી ગરમ થાય ત્યારે તમે જે આદુની પેસ્ટ બનાવી છે તેને ગોલ્ડન બ્રાઉન થાય ત્યાં સુધી હલાવીને શેકાવવા દો. તમને આદુની ખાસ સુગંધ આવશે. હવે તેમાં ખાંડ મિક્સ કરી લો અને તે ઓગળી જાય ત્યાં સુધી તેને હલાવતા રહો. ધ્યાન રાખો કે તમારી આદુની પેસ્ટ ઘટ્ટ હોય. હવે એક પ્લેટ લઈને તેની પર બટર પેપર પાથરો. બટર પેપર ન હોય તો તમે થાળીમાં ઘી લગાવીને પણ તેને પાથરી શકો છો. હવે મિશ્રણને એકસરખું ફેલાવી લો. તેને એક સરખઆ આકારના ચોસલા પાડી લો. તેને ઠંડું થવા દો. તમે ઈચ્છો તો તેને ફ્રિઝમાં પણ ઠંડું થવા રાખી શકો છો. બરફી જામી જાય તો તેને એક એરટાઈટ ડબ્બામાં ભરી લો. આદુની બરફી લગભગ 2 મહિના સુધી સ્ટોર કરીને રાખી શકાય છે. તો કરી લો તૈયારી અને ફટાફટ બનાવી લો ઈમ્યુનિટી વધારીને ખાંસીથી બચાવતી આ બરફી.