રત્નવિજ્ઞાન / હાથમાં આ બે રત્નો પહેરતા પહેલા આટલું જાણી લેજો, જ્યોતિષ શાસ્ત્રમાં ગણાય છે ખતરનાક

• ફેશનના ચક્કરમાં ડાયમંડ પહેરતા હોય તો ચેતી જજો
• ડાયમંડ બધી રાશિના જાતકોને સૂટ કરતો નથી
• તો નીલમ રત્ન પણ ગણ્યા ગાઠ્યા લોકોને ફળે છે

ખૂબ તાકાતવર છે આ બે મોટા રત્ન

કુંડળીના શુક્ર અને શનિ જેવા ગ્રહોના અશુભ અસરને ખત્મ કરવા માટે અને આ ગ્રહોને મજબૂત કરવા માટે હીરા અને નીલમ રત્ન ધારણ કરવામાં આવે છે. આ રત્ન જોવામાં જેટલા સુંદર હોય છે, પ્રભાવ મામલે એટલા જ તાકાતવર હોય છે. જેની શુભ અને અશુભ અસર બંને આઘાતજનક હોય છે. તેથી તેનો જીવન પર મોટો પ્રભાવ પડે છે. એટલેકે આ રત્નોને ક્યારેય પણ નિષ્ણાંતની સલાહ લીધા વિના પહેરવા ના જોઈએ. 

નીલમ

નીલમ રત્ન શનિનો મુખ્ય રત્ન છે. જે જાતકોની કુંડળીની દ્રષ્ટિએ આ રત્ન શુભ અને તેને સફળતાની ચરમસીમાએ લઇ જાય છે. તો જે લોકો માટે અશુભ હોય તેને માટીમાં મિલાવી દે છે. મોટી દુર્ઘટના, કંગાળ થવુ, માન હાનિ કરાવે છે. જેથી નિષ્ણાંતને પોતાની કુંડળી બતાવીને જ નીલમ રત્ન ધારણ કરવો જોઈએ. પરંતુ તેને આંગળી અથવા પેન્ડેટમાં ધારણ કરતા પહેલા વાદળી કપડામાં બાંધીને તકિયાની નીચે રાખી અથવા હાથમાં બાંધી સૂઈ જવુ જોઈએ. આ રત્ન 24 કલાકમાં અસર બતાવવા લાગે છે. નીલમ રત્ન મકર, કુંભ, વૃષભ, મિથુન, કન્યા અને તુલા રાશિના જાતકો ધારણ કરી શકે છે. 

ડાયમંડ

હીરાનો સંબંધ શુક્ર ગ્રહ સાથે છે. આ રત્ન જીવનમાં સુખ-સમૃદ્ધી, ધન-ઐશ્વર્ય પ્રદાન કરે છે. આ સાથે લવ લાઈફ-લગ્ન જીવન પર અસર કરે છે. પરંતુ હીરો બધાને સૂટ કરતો નથી. જો કે, ઓછા વજનવાળો હીરો પહેરવાથી કોઈ અસર થતી નતી. પરંતુ મોટો હીરો ખૂબ સમજી-વિચારીને પહેરવો જોઈએ. ડાયમંડ માત્ર વૃષભ અને તુલા રાશિના જાતકોને સારું ફળ આપે છે. જો તે અશુભ રહે તો જાતકને નાણા ભીડ, દામ્પત્ય જીવનમાં સમસ્યા આવે છે. આ સિવાય મોટા નુકસાન અને દુર્ઘટનાનુ કારણ પણ બની શકે છે.