રાજકારણ / ગહેલોત નથી છોડવા માંગતા 'રાજ'સ્થાન, ગદ્દાર વાળા નિવેદન પર તેમના જ જુથના MLAએ ઘેર્યા, પાયલટના સમર્થનમાં કરી મોટી વાત

• ભારત જોડો યાત્રા રાજસ્થાન પહોચે તે પહેલા રાજકારણમાં ગરમાવો
• ગહેલોત અને પાયલટ એકબીજા પર આક્ષેપબાજી કરી રહ્યા છે
• પંજાબના પ્રભારી હરીશ ચૌધરીએ ગેહલોત વિરૂધ્ધ મોરચો માંડ્યો

રાજસ્થાનમાં રાહુલ ગાંધીની ભારત જોડો યાત્રા પહોંચે તે પહેલા રાજકારણમાં ગરમાવો આવી જવા પામ્યો છે. ત્યારે અશોક ગહેલોત અને સચિન પાયલટે એક-બીજા પર આક્ષેપબાજી કરી રહ્યા છે. ત્યારે હાલમાં જ અશોક ગહેલોતે પાયલટને દગાખોર કહ્યો છે. જે બાદ ગહેલોતનાં જૂથના ધારાસભ્યો અને પંજાબના પ્રભારી હરીશ ચૌધરીને મુખ્યમંત્રી અશોક ગેહલોત વિરૂધ્ધ મોરચો માંડ્યો છે.

અશોક ગહેલોતને આ ભાષા શોભતી નથીઃહરીશ ચૌધરી
હરીશ ચૌધરીએ કહ્યું કે લોકો સત્તા પર બની રહેવા માંગે છે. નવા લોકોને મોકો આપવા માંગતા નથી. ત્યારે હરીશ ચૌધરીએ પ્રેસ કોન્ફરન્સમાં કહ્યું કે મુખ્યમંત્રી અશોક ગહેલોતે સચિન પાયલોટ વિરૂધ્ધ જે ભાષાનો ઉપયોગ કર્યો છે તે તેમને શોભતું નથી. હરીશ ચૌધરીએ કહ્યું કે રાજસ્થાનની આ પરંપરા રહી નથી કે આપણે ખરાબ ભાષાનો ઉપયોગ કરીએ. તેમણે કહ્યું કે જ્યારે નક્કી થઈ ગયું હોય કે તમે કોઈ પણ નિવેદન નહી આપો તો અશોક ગહેલોતે ન બોલવું જોઈએ. 

ગહેલોત જૂથનાં લાલા વૈરવાએ કહ્યું- અમે બહુ ગભરાયેલા છીએ
ગહેલોત જૂથના વિધાયકે કહ્યું કે અમે લોકો ખૂબ જ ડરેલા છીએ કે અશોક ગહેલોત આટલા વરિષ્ઠ નેતા છે. પ્રદેશનાં મુખ્યમંત્રી છે એમણે આવા શબ્દોનો પ્રયોગ ન કરવો જોઈએ. કોંગ્રેસમાં નિર્ણય હાઈકમાન્ડ કરે છે. ત્યારે હાઈકમાન્ડ જ નિર્ણય કરી લે તો આ રીતે બોલવાનો શું મતલબ છે. જે તેમને શોભતું નથી. 90 ટકા વિધાયક હાઈકમાન્ડ જોડે છે.