એક દિવસીય ઉપવાસ મામલે ગીતાબેન પટેલ સહિત 11 પાસ કન્વીનરોની કરી અટકાયત

અમદાવાદઃ પાટીદારો દ્વારા એક દિવસના ઉપવાસની જાહેરાત કરવામાં આવી હતી. પાસના કન્વીનરો કાર્યકર્તાઓ નિકોલ ખાતે ઉપવાસ કરવાના હતા. ત્યારે નિકોલના દયાવાન રિસોર્ટ ખાતેથી પાસ કન્વીનર ગીતા પટેલની પોલીસ અટકાયત કરી છે. પોલીસે ગીતા પટેલ સહિત 11 પાસના કન્વીનરોની અટકાયત કરી છે. 

મહત્વનુ છે કે પાટીદારો દ્વારા નિકોલના ગ્રાઉન્ડ ખાતે ઉપવાસ કરવાના હતા. ગીતા પટેલ ઉપવાસમાં જોડાવવા માટે નિકોલ ખાતે પહોંચી હતી. આ દરમિયાન પોલીસે ગીતા પટેલની અટકાયત કરી હતી.



નિકોલ જવા રવાના થતા પહેલા જ હાર્દિક પટેલની અટકાયત
પાસના કન્વીનર હાર્દિક પટેલની અધ્યક્ષતામાં નિકોલમાં એક દિવસ માટે પાસ દ્વારા ઉપવાસની જાહેરાત કરવામાં આવી હતી. હાર્દિક પટેલ પોતાના નિવાસ સ્થાનથી નિકળી રહ્યો હતો ત્યારે પોલીસે અટકાયત કરી હતી. હાર્દિક પટેલસ અલ્પેશ કથીરિયા મનોજ પનારા સહિતના કાર્યકરોની પોલીસે અટકાયક કરી છે. 

તો બીજી તરફ પોલીસ દ્વારા નિકોલના ગ્રાઉન્ડમાં પણ ચૂસ્ત બંદોબસ્ત ગોઠવી દેવામાં આવ્યો છે. નિકોલ વિસ્તારના તમામ રસ્તાઓ પર પોલીસના બેરીકેટ સાથે પોલીસ તૈનાત કરવામાં આવી છે.