ગ્રોથ / ભારતીય અર્થતંત્રની ગાડી ધીમી પડી, બીજા ત્રિમાસિકમાં 6.3 ટકા રહ્યો GDP, પહેલા હતો 13.5 ટકા

• RBI એ આપી દેશને મોટી ખબર
• આર્થિક મંદીની વચ્ચે ભારતનો જીડીપી રેટ પણ ઘટ્યો
• અન્ય દેશોની જેમ ભારતીય અર્થવ્યવસ્થાઓનો ગ્રોથ પણ મંદ

આર્થિક મંદીની આશંકા અને વધી રહેલી મોંઘવારીની વચ્ચે ભારતીય અર્થવ્યવસ્થાની ઝડપન પણ ધીમી પડી છે. બુધવારે આવેલ સપ્ટેમ્બર ક્વાર્ટરનાં જીડીપીનાં આંકડા આ વાતને સાબિત કરી રહ્યાં છે.  નવા સામે આવેલા આંકડાઓ અનુસાર સપ્ટેમ્બર 2022નાં ક્વાર્ટરમાં ભારતીય અર્થવ્યસ્થા 6.3%નાં દર પર રહી છે. એટલે કે બીજાં ક્વાર્ટરમાં જીડીપી ગ્રોથ રેટ 6.3% છે. આ વર્ષનાં પહેલા ક્વાર્ટર પર નજર નાખીએ તો આ આંકડો શાનદાર રીતે 13.5% પર સ્થિર થયો હતો પરંતુ આ ક્વાર્ટરમાં ઘણો નીચે ઊતર્યો છે.

Real GDP or GDP at Constant (2011-12) Prices in Q2 2022-23 is estimated at ₹38.17 lakh crore, as against ₹35.89 lakh crore in Q2 2021-22, showing a growth of 6.3 percent as compared to 8.4 percent in Q2 2021-22.

— ANI (@ANI) November 30, 2022

જૂન 2022નાં ક્વાર્ટરમાં જીડીપીનો આંક
હાલનાં નાણાકીય વર્ષમાં એટલે કે પહેલાં ક્વાર્ટર જૂન-2022માં જીડીપીનો આંકડો 13.5% રહ્યો હતો. તો છેલ્લાં નાણાકીય વર્ષનાં સપ્ટેમ્બરનાં ક્વાર્ટરમાં જીડીપી ગ્રોથ 8.4% રહ્યો હતો. ભારતીય અર્થવ્યવસ્થાને લઇને આ આંકડાઓ પોઝિટિવ સંકેતો આપી રહ્યાં હતાં પરંતુ હાલમાં સામે આવેલ આંકડાઓ મંદી અને મોંઘવારીનાં સંકેતો લાવી રહ્યાં હોય તેવું લાગે છે.

વૈશ્વિક મંદી
ભારતીય અર્થવ્યવસ્થાવનાં આ આંકડાઓ એવા સમયે આવ્યાં છે જ્યારે દુનિયાની વિકસિત અર્થવ્યવસ્થાઓ મુશ્કેલીઓનો સામનો કરી રહી છે. બ્રિટન પણ આર્થિક મંદીમાં ફસાયેલ છે તો ચીન પોતાના વર્તમાન જીડીપીનાં આંકડાઓ રજૂ નથી કરી રહ્યું કારણકે નેગેટીવ ગ્રોથ હોઇ શકે છે. આ આંકડાઓ RBI નાં અનુમાન અનુસાર છે. તો આ તમામની વચ્ચે RBIએ ભારતનાં જીડીપી ગ્રોથનાં આંકડાઓ રજૂ કર્યાં છે જે પહેલાં ક્વાર્ટરની સરખામણીમાં ઘણાં નીચે દેખાઇ રહ્યાં છે. વૈશ્વિક મંદીની અસર ભારત પર પણ પડી હોય તેવું લાગી રહ્યું છે.