IPLIN
 

કોફી વિથ કરણ / 'એ સમયથી વધારે ખરાબ કઈં ન હોય શકે..' ડ્રગ કેસમાં આર્યન ખાનની ધરપકડ પર પહેલી વાર બોલી ગૌરી ખાન

Team VTV 01:11 PM, 22 Sep 22 | Updated: 01:14 PM, 22 Sep 22
Follow us
Gauri Khan spoke for the first time on Aryan Khan's arrest in the drug case.

ચેટ શોમાં ગૌરી એ ઘણી વાતો શેર કરી હતી અને સાથે જ તેના પુત્ર આર્યન ખાનના ડ્રગ કેસ વિશે પણ પહેલી વખત ખૂલીને વાત કરી હતી.

  • ગૌરી ખાન 17 વર્ષ પછી કોફી વિથ કરણ ના કોફી કાઉચ પર પરત ફરી 
  • આર્યન ખાનના ડ્રગ કેસ વિશે પહેલી વખત ખૂલીને વાત કરી 
  • માતા-પિતા તરીકે તેનાથી ખરાબ કઈં પણ ન હોય શકે - ગૌરી ખાન 

બૉલીવુડના ફેમસ ફિલ્મમેકર કરણ જોહરનો ચેટ શો 'કોફી વિથ કરણ 7' શરૂઆતથી જ સમાચારોમાં રહે છે. હાલ આ ચેટ શોમાં શાહરુખ ખાનની પત્ની ગૌરી ખાન ગુરૂવારે 17 વર્ષ પછી કોફી કાઉચ પર પરત ફરી હતી. કરણ જોહરના ચેટ શોની સાતમી સીઝનના 12મા એપિસોડમાં ઇન્ટિરિયર ડિઝાઇનર અને અભિનેતા શાહરૂખ ખાનની પત્ની ગૌરી ખાન, મહિપ કપૂર અને ભાવના પાંડે  જોવા મળ્યા હતા. આ ચેટ શોમાં ગૌરી એ ઘણી વાતો શેર કરી હતી અને સાથે જ તેના પુત્ર આર્યન ખાનના ડ્રગ કેસ વિશે પણ પહેલી વખત ખૂલીને વાત કરી હતી.

25 દિવસ જેલમાં હતો આર્યન ખાન 
જણાવી દઈએ કે ગયા વર્ષે આર્યન ખાને ક્રૂઝ શિપમાં ડ્રગ્સ લઈ જવાની શંકામાં એનસીબીએ ધરપકડ કરી હતી.  અને એ કેસમાં તેને 25 દિવસ સુધી જેલમાં રાખ્યો હતો. અંતે તેની સામે આ કેસના પુરાવાના અભાવે આર્યન ખાન જામીન પર છોડવામાં આવ્યો હતો. કરણ જોહરના ચેટ શોમાં શરૂઆતમાં મહિપ કપૂર અને ભાવના પાંડેના આવ્યા પહેલા કરણે ગૌરી ખાન સાથે પુત્ર આર્યન ખાનની ધરપકડ વિશે અને એ સમયે તેમના પરિવારે કેવી રીતે આ સમયને પસાર કર્યો એ વિશે પણ વાતચીત કરી હતી. 

વ્યક્તિગત રીતે પણ આ મુશ્કેલ સમય રહ્યો હશે - કરણ જોહર 
કરણે ગૌરીને કહ્યું હતું કે, 'હું જાણું છું કે તમારા માટે માત્ર પ્રોફેશનલી જ નહીં પરંતુ વ્યક્તિગત રીતે પણ આ મુશ્કેલ સમય રહ્યો હશે. તમે બધા આમાંથી એક મજબૂત પરિવાર તરીકે બહાર આવ્યા છો. હું જાણું છું કે તે સરળ નહતું. હું તમને એક મા તરીકે ઓળખું છું અને આપણે બધા એક જ પરિવારના છીએ અને મને લાગે છે કે હું તમારા બાળકોનો પણ ગોડ પેરન્ટ પણ છું. આ સહેલું નહતું પણ મેં તમને તેમાંથી ઘણી મજબૂત રીતે બહાર આવતા જોયા છે. જ્યારે પરિવાર આવા સમયમાંથી પસાર થાય છે ત્યારે તે સમયને હેન્ડલ કરવાની રીત વિશે તમારું શું કહેવું છે?'

તેનાથી ખરાબ કઈં પણ ન હોય શકે - ગૌરી ખાન 
આ પર ગૌરી એ કહ્યું હતું કે, ' હા, એક પરિવાર તરીકે અમે આ તબક્કામાંથી પસાર થયા છીએ... અને મને લાગે છે કે એક માતાપિતા તરીકે અમે જે કંઈપણ જોયું છે તેનાથી વધુ ખરાબ કંઈ હોય શકે નહીં. પણ આજે અમે ફરી એક પરિવાર તરીકે ઊભા છીએ અને હું એમ કહી શકું છું કે અમે એક સારા સ્થાને ઊભા છીએ જ્યાં અમે બધા તરફથી પ્રેમ અનુભવીએ છીએ. અમારા બધા મિત્રો અને ઘણા લોકો જેને અમે જાણતા ન હતા એ બધા તરફથી ઘણા બધા સંદેશાઓ અને આટલો પ્રેમ જોઈને હું ખૂબ ધન્યતા અનુભવી રહી હતી અને હું એ દરેક લોકોની આભારી છું જેને એ કઠિન સમય પર અમારો સાથ આપ્યો હતો. 

Koffee With Karan 7 ગૌરી ખાન gauri khan aryan khan aryan khan drug case
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ