સલામ / Gauahar Khan ઉપાડશે બિહારના સોનુના અભ્યાસનો ખર્ચ, બાળકે CM નીતિશ કુમાર પાસે માંગી હતી મદદ

• ગૌહર ખાન કરશે સોનુ કુમારની મદદ 
• ઉઠાવશે શિક્ષણનો ખર્ચ 
• સોનુએ હમણાં જ નીતિશ કુમાર પાસે માંગી  હતી મદદ 

હાલમાં બિહારના નાનકડા સોનુ કુમારની ચર્ચા દરેક જગ્યાએ થઈ રહી છે. છઠ્ઠા ધોરણમાં ભણતો 11 વર્ષીય સોનુ કુમાર તાજેતરમાં જ બિહારના મુખ્યમંત્રી નીતિશ કુમારની સામે ગયો અને અભ્યાસમાં મદદની વિનંતી કરી. જ્યારે અભિનેત્રી ગૌહર ખાને સોનુ કુમારનો વીડિયો જોયો તો તે તેની પ્રશંસક બની ગઈ. તેણે તરત જ સોનુ કુમાર તરફ મદદનો હાથ લંબાવ્યો છે. ગૌહર ખાને કહ્યું છે કે તે સોનુનો સંપર્ક કરવા માંગે છે અને તેના શિક્ષણનો ખર્ચ ઉઠાવવા માંગે છે. 

What a bright boy ! Can I pls get to know some contact of him , I would like to sponsor his education. This boy is amazing . He has a vision , he is the future . Pls help ! https://t.co/tTPSaPBqOF

— Gauahar Khan (@GAUAHAR_KHAN) May 15, 2022

ગૌહર ખાને કરી ટ્વીટ 
ગૌહર ખાને ટ્વીટ કરીને સોનુ કુમાર વિશે માહિતી માંગી હતી. તેણે સોનુ સાથે કોન્ટેક્ટની વિગતો માંગી જેથી તે તેને આર્થિક મદદ કરી શકે. ગૌહર ખાને સોનુ કુમાર વિશે ટ્વિટ કર્યું, 'કેટલો તેજસ્વી છોકરો છે. શું મને તેની કોન્ટેક્ટ ડિટેલ્સ મેળી શકે છે? હું તેના શિક્ષણનો ખર્ચ ઉઠાવવા માંગુ છું. આ છોકરો અદ્ભુત છે. આ એક વિઝન છે આ ભવિષ્ય છે. પ્લીઝ મદદ કરો.'

સોશિયલ મીડિયા પર છવાયેલો છે સોનુ કુમાર 
સોનુ કુમાર હાલ સોશિયલ મીડિયા પર છવાયેલો છે. નીતીશ કુમાર હાલમાં જ તેમની પત્નીની 16મી પુણ્યતિથિ પર નાલંદાના કલ્યાણ બિગહા નામના ગામમાં પહોંચ્યા હતા. ભારે ભીડ ભેગી થઈ ગઈ હતી અને પછી સોનુ કુમારે ખીચોખીચ ભરેલી ભીડ વચ્ચે નીતિશ કુમારની સામે પોતાની સમસ્યા જણાવી. સોનુ કુમારે નીતિશ કુમારને કહ્યું હતું કે, ' પ્રણામ સર, સાંભળો, અમને ભણવા માટે હિંમત આપો, ગાર્ડિયન ભણાવતા નથી.'

પરિવારની સ્થિતિ વિશે જણાવ્યું
આ પછી સોનુ કુમારે પોતાના પરિવારની સ્થિતિ વિશે જણાવ્યું હતું. સોનુ કુમારે જણાવ્યું હતું કે તેના પિતાની દહીંની દુકાન છે. પરંતુ તેમાંથી જે કંઈ કમાય છે તે દારૂ પીવામાં ખર્ચ કરે છે. સોનુ કુમારે એમ પણ કહ્યું કે તે જે સરકારી શાળામાં અભ્યાસ કરે છે ત્યાં શિક્ષકોને પણ સારૂ શિક્ષણ કેવી રીતે આપવી તે નથી આવડતું.