વિદેશમાં ગરબા / ગરવી રે ગુજરાતમાં પટેલ વટ છે તમારો...ઓસ્ટ્રેલિયામાં નવરાત્રિ પહેલા ગરબાની રમઝટ, મન ભરીને ઝૂમ્યા ગુજરાતીઓ

• ઓસ્ટ્રેલિયાના બ્રિસબેનમાં વસતા ગુજરાતી પરિવારો દ્વારા કરાયું હતું ગરબાનું આયોજન
• જાણીતા સિંગર સાગર પટેલે મચાવી ગરબાની રમઝટ
• ઓસ્ટ્રેલિયામાં ગુજરાતી સંસ્કૃતિ જીવંત રાખવાનો ગુજરાતી સમાજનો પ્રયાસ
• આશિષ પટેલ અને જય ગજાનન ગ્રુપ દ્વારા દર વર્ષે ઓસ્ટ્રેલિયામાં થાય છે ગરબાનું આયોજન

જ્યાં જ્યાં વસે ગુજરાતી ત્યાં સદાકાળ ગુજરાત, અને હા ગુજરાતીઓ હોય અને ત્યાં ગરબા ના રમાય એવું બને જ નહીં. તાજેતરમાં ઓસ્ટ્રેલિયામાં રહેતા ગુજરાતી પરિવારો દ્વારા ગરબા મહોત્સવનું આયોજન કરવામાં આવ્યું હતું. જેમાં ગુજરાતીઓ મન ભરીને ગરબે ઘૂમ્યા હતા.ઓસ્ટ્રેલિયામાં ગુજરાતી સંસ્કૃતિ જીવંત રાખવાનો ગુજરાતી સમાજનો પ્રયાસ ખરેખર સરાહનીય છે. આ ગરબાના આયોજનમ પ્રખ્યાત કલાકારોએ ગરબાની રમઝટ બોલાવી હતી. 

ઓસ્ટ્રેલિયામાં ગરબા મહોત્સવ

ઓસ્ટ્રેલિયામાં ગુજરાતી પરિવારો દ્વારા ગરબા મહોત્સવનું આયોજન કરવામાં આવ્યું છે. વિગતો મુજબ બ્રિસબેનમાં વસતા ગુજરાતી પરિવારો દ્વારા ગરબાનું આયોજન કરાયું હતું. જેમાં જાણીતા સિંગર સાગર પટેલે ગરબાની રમઝટ બોલાવી હતી. નોંધનિય છે કે, ઓસ્ટ્રેલિયામાં ગુજરાતી સંસ્કૃતિ જીવંત રાખવાનો ગુજરાતી સમાજનો પ્રયાસ આ પ્રયાસ ખરેખર અભિનંદનને પાત્ર છે. વિગતો મુજબ આશિષ પટેલ અને જય ગજાનન ગ્રુપ દ્વારા દર વર્ષે ઓસ્ટ્રેલિયામાં ગરબાનું આયોજન થાય છે. 

આપણે ત્યાં હજી નવરાત્રીની વાર છે જોકે ઓસ્ટ્રેલિયામાં વસતા ગુજરાતીઓ તાજેતરમાં જ ગરબાના તાલે ઘુમ્યા હતા. ઓસ્ટ્રેલિયાના બ્રિસબેનમાં વસતા ગુજરાતી પરિવારો દ્વારા નવરાત્રિ પહેલા પ્રિ-ગરબા ઈવેન્ટનું આયોજન કરાયુ હતું. જેમાં ગુજરાતના જાણીતા સિંગર સાગર પટેલના તાલે ગુજરાતીઓ ગરબાના તાલે ઝૂમ્યા હતા. જ્યાં ખૂબ જ બહોળી સંખ્યામાં ગુજરાતીઓ ગરબા રમ્યા હતા. નોંધનિય છે કે,  ઓસ્ટ્રેલિયા જ નહિ પરંતુ અમેરિકા, યુકે, ઓમાન, આફ્રિકા જેવા દેશોમાં વસતા ગુજરાતીઓ પણ સમયાંતરે ગરબા કાર્યક્રમોનું આયોજન કરતા રહે છે.