તમારા કામનું / કોલેસ્ટ્રોલ ઘટાડવાનો રામબાણ ઈલાજ, ઘરે બેઠા કરી લો માત્ર આ કામ, થશે ફાયદો

• લસણ તમને કોલેસ્ટ્રોલ ઘટાડવામાં કરશે ફાયદો 
• કોલેસ્ટ્રોલના કારણે હાર્ટ એટેકનું જોખમ વધારે  
• ખરાબ ડાયટનાં લીધે વધી શકે છે કોલેસ્ટ્રોલ 

હાર્ટ એટેકનું પ્રમાણ વધુ
કોલેસ્ટેરોલનું નિયંત્રણ બહાર જવું એ હાર્ટ એટેકનું જોખમ વધારવા જેવું છે. જો તમારા શરીરમાં ખરાબ કોલેસ્ટ્રોલનું પ્રમાણ વધારે થઈ જાય છે, તો તમને ઘણા પ્રકારની સમસ્યાઓ થઈ શકે છે. આવી સ્થિતિમાં શરીરમાં કોલેસ્ટ્રોલને વધતું અટકાવવા માટે તમારે જીવનશૈલી બદલવી પડશે, નહીં તો પાછળથી સમસ્યા વધી શકે છે. તો ચાલો જાણીએ કે તેને કઈ ઘરેલુ રીતે નિયંત્રિત કરી શકાય છે.

લસણથી કરો કોલેસ્ટ્રોલ નિયંત્રણ 
લસણથી કોલેસ્ટ્રોલને કંટ્રોલ કરી શકાય છે. આ માટે દરરોજ સવારે તમારે લસણની કળી નવશેકા પાણીમાં પલાળવી. આ પછી જો તમે આ નવશેકું પાણી પીશો તો તેનાથી કોલેસ્ટ્રોલ કંટ્રોલ કરી શકાય છે. આ પદ્ધતિ ખૂબ જ સરળ છે. જો કે, ગંભીર દર્દીઓએ તેને અજમાવતા પહેલા તેમના ડોક્ટરની સલાહ લેવી જોઇએ.

લસણના પાણીથી થતા ફાયદા
લસણનું પાણી નિયમિત પીવાથી થશે ફાયદો આનાથી તમારા કોલેસ્ટ્રોલ કંટ્રોલમાં તો રહેશે જ સાથે જ શરીરમાં બ્લડ સર્ક્યુલેશન પણ ઠીક રહેશે. હાર્ટ એટેકનું જોખમ પણ જાતે જ ઓછું થઈ જશે.

કોલેસ્ટ્રોલ વધવાના કારણો
- જે લોકો ખૂબ સ્ટ્રેસ લે છે અને ખાણી-પીણી યોગ્ય નથી રાખતા તેમના શરીરમાં ખરાબ કોલેસ્ટ્રોલ વધી શકે છે. આવી સ્થિતિમાં, તમારે આ આદતોને બદલવી પડશે.
- જે લોકો એક્સરસાઇઝ નથી કરતા અને હંમેશા સ્ટ્રેસ લે છે તેમણે પણ ધ્યાન આપવાની જરૂર છે. આમ કરવાથી તમારા સ્વાસ્થ્ય પર ખરાબ અસર પડે છે. આ જ કારણ છે કે કોલેસ્ટ્રોલ પણ વધવા લાગે છે અને હાર્ટ એટેકનો ખતરો પણ વધી જાય છે.
- જે લોકો પોતાના ડાયટમાં રવી શાકભાજી અને ફળોનો સમાવેશ નથી કરતા તેઓ પણ હાઈ કોલેસ્ટ્રોલનો શિકાર બને છે.