ગણેશચતુર્થીના દિવસે ગણેશજીને આ ઘરે બનાવેલા રવાના લાડુ બનાવીને ભોગ ધરો. ગણેશજીની કૃપા વધી જશે.
આવી રહ્યો છે ગણેશ ચતુર્થીનો તહેવાર
ભોગમાં ધરાવો ગણેશજીને પ્રિય લાડુ
જાણો રવાના લાડુની સરળ રેસિપિ
સામાન્ય રીતે દૂધાળા દેવને આપણે રોજ તો પૂજતા જ હોઈએ છીએ. પરંતુ ચતુર્થી પર તેમની પૂજા-અર્ચનાનો મહિમા વધી જાય છે. આજની સંકટ ચતુર્થી માટે અમે તમારા માટે રવાના લાડુની રેસિપિ લાવ્યા છીએ. ઘરે બનાવીને કરો ગણેશજીને પ્રસન્ન.
સૌપ્રથમ એક નોન સ્ટિક પેનમાં રવો લો. સામાન્ય ભૂરા રંગનો થાય ત્યાં સુધી શેકી લો. પછી તેમાં ઘી અને દૂધ મિક્સ કરો. આને ત્યાં સુધી મિક્સ કરો, જ્યાં સુધી મિશ્રણ થોડું ચિકણું ન લાગે. પછી તેમાં ઇલાયચી પાવડર નાંખી મિક્સ કરો અને મિશ્રણ લાડુ વાળવા જેવું લાગે એટલે પેનને ગેસ પરથી ઉતારો. હવે મિશ્રણમાં દળેલી ખાંડ મિક્સ કરો. ત્યારબાદ આ મિશ્રણમાંથી નાના-નાના લાડુ બનાવી લો. જ્યારે લાડુ સૂકાઇ જાય એટલે તેને એર ટાઇટ ડબ્બામાં ભરી લો. ઇચ્છો ત્યારે તેનો ભોગ ચઢાવી શકો છો.