કોરિયોગ્રાફર ગણેશ આચાર્ય હાલ મુશ્કેલીઓમાં ઘેરાયેલા છે. 33 વર્ષની મહિલાએ તેની વિરુદ્ધ અંબોલી પોલીસ સ્ટેશનમાં ફરિયાદ નોંધાવી છે. મહિલાનો આરોપ છે કે, ગણેશ તેને અશ્લીલ વીડિયો જોવા માટે દબાણ કરતો હતો. સાથે જ, તેને ફિલ્મ ઈન્ડસ્ટ્રીમાં કામ દૂર કરી દીધી અને આવકમાંથી કમિશનની માંગ કરી હતી.
મહિલાએ ફરિયાદની કોપીમાં લખ્યું છે કે, 'ગણેશ જ્યારથી ભારતીય ફિલ્મ અને ટેલિવિઝન કોરિયોગ્રાફર્સ એસોસિએશનના જનરલ સેક્રેટરી બન્યા છે, ત્યારથી તે મને પરેશાન કરે છે. જ્યારે મેં ગણેશની વાત માની નહીં, ત્યારે ગણેશે તેની સદસ્યતાનો દુરુપયોગ કરીને મને એસોશિએશનમાંથી હાંકી કાઢી હતી. આ સિવાય ગણેશે મને તેની આસિસ્ટન્ટ બનવાનું પણ કહ્યું, પરંતુ મેં ના પાડી કારણ કે હું સ્વતંત્ર રીતે કામ કરવા માંગુ છું.
Mumbai:33yr-old woman choreographer,has filed complaint against Ganesh Acharya, GenSecyIndian Film&Television Choreographers Assoc at state's Women's Commission&Amboli PS accusing him of depriving her of work in film industry,demanding commission&forcing her to watch adult videos pic.twitter.com/Z8jYzgVyQh
વધુમાં મહિલાએ કહ્યું, 'જ્યારે પણ હું કોઈ કામ માટે તેની ઓફિસ જતી ત્યારે તે હંમેશા અશ્લીલ વીડિયો જોતો હતો અને મને પણ અશ્લીલ વિડિઓ જોવા દબાણ કરતો હતો. આ બધું સાંભળીને મને ખૂબ ગુસ્સો આવતો હતો. મને ખબર નહોતી કે તે એક વુમનાઇઝર અને જુગારી છે.'
તમને જણાવી દઈએ કે, આ પહેલાં પણ કોરિયોગ્રાફર ગણેશ આચાર્ય વિવાદોમાં ફંસાઈ ચૂક્યો છે. એવા સમાચાર હતા કે, ઓલ ઈન્ડિયા ફિલ્મ ટેલીવિઝન એન્ડ ઈવેન્ટ્સ ડાંસર્સ એસોસિએશન (AIFTEDA) નામનું એક એસોસિએશન બનાવ્યું છે. જેને લઈને સીડીએ (Cine Dancers Association) ચિંતિત હતું. સરોજ ખાને આ મુદ્દે ખુલીને વાત કરી હતી. સરોજ ખાને દાવો કર્યો હતો કે, ગણેશે એક નવું એસોસિએશન બનાવી લીધું છે. સરોજ ખાને તેના પર છેતરપિંડીનો આરોપ લગાવ્યો હતો. જેના પર પ્રતિક્રિયા આપતાં ગણેશે કહ્યું હતું કે, 'હું AIFTEDA ઉદ્ધઘાટન પ્રસંગે હાજર હતો કારણ કે ડાંસર્સે મને આમંત્રણ આપ્યું હતું.'