રાજરમત / ગુજરાતમાં કોરોના થયો હળવો, રાજકીય ધમધમાટ બન્યો તેજ, ભાજપની ઉપરાઉપરી બેઠકો શરૂ

• ગાંધીનગર ખાતે વિધાનસભા હોલમાં ભાજપના ધારાસભ્યોની બેઠક
• CM વિજય રૂપાણી અને DyCM નીતિન પટેલ વિધાનસભા હોલ પહોંચ્યા
• બેઠકમાં પ્રદેશ પ્રભારી ભૂપેન્દ્ર યાદવ, ભાજપ પ્રદેશ પ્રમુખ સી.આર. પાટીલની પણ હાજરી

ગાંધીનગર ખાતે વિધાનસભા હોલમાં ભાજપના ધારાસભ્યોની બેઠક યોજાઈ છે. જેમાં CM વિજય રૂપાણી અને DyCM નીતિન પટેલ પણ વિધાનસભા હોલ પહોંચ્યા હતા. બેઠકમાં પ્રદેશ પ્રભારી ભૂપેન્દ્ર યાદવ, ભાજપ પ્રદેશ પ્રમુખ સી.આર. પાટીલની પણ હાજરી છે. ભાજપ સંગઠનના આગેવાનો પણ બેઠકમાં હાજર છે.  

રાજકીય ગરમાવા વચ્ચે ભાજપ ધારાસભ્યોની બેઠક સૂચક મનાઈ રહી છે. વર્ષ 2022 વિધાનસભાની ચૂંટણીને લઈ બેઠકમાં મહત્વપૂર્ણ ચર્ચાઓ થશે. ભાજપના તમામ ધારાસભ્યોને બેઠકમાં હાજર રહેવા આદેશ પણ અપાયા છે. બેઠકમાં CMના સચિવ અશ્વિની કુમાર પણ હાજર રહીને 2 પ્રેઝન્ટેશન રજૂ કરશે. કોરોના મહામારી દરમિયાન થયેલી કામગીરીની વિગતો રજૂ થશે. વાવાઝોડા દરમિયાનની કામગીરીનું પણ પ્રેઝન્ટેશન થશે. 

કમલમ્ ખાતે યોજાઈ હતી બેઠક

ગુજરાત વિધાનસભામાં બેઠક અગાઉ કમલમમાં ભાજપના આગેવાનોની બેઠક યોજાઈ હતી. ભાજપના કિશાન મોરચાની બેઠક યોજાઈ હતી. જેમાં પ્રભારી ભુપેન્દ્ર યાદવના અધ્યક્ષ સ્થાને બેઠક થઈ હતી. અને બાબુ જેબલિયા, સંગઠનમંત્રી ભીખુભાઈ દલસાણિયા હાજર રહ્યા હતા. આ સાથે બક્ષીપંચ મોરચાનાં પદાધિકારીઓ સાથે પણ ભૂપેન્દ્ર યાદવની બેઠક યોજાઈ હતી. સાથે પ્રભારીએ કમલમ ખાતે સંગઠન મહામંત્રીની પણ મુલાકાત કરી હતી.