કમલમ ખાતે BJPની આજે કારોબારી બેઠક 2019ના રોડમેપ અંગે કરાશે ગુફતગુ

ગાંધીનગર: આજે પ્રદેશ ભાજપની કારોબારી બેઠક મળશે. ગાંધીનગર સ્થિત પ્રદેશ કાર્યાલય કમલમમાં બેઠક મળશે. આ બેઠકમાં આગામી લોકસભાની ચૂંટણી અંગેના રોડમેપ અંગે ચર્ચા વિચારણા થશે. જેમાં પક્ષના વિવિધ મોર્ચાના અધ્યક્ષ હોદ્દેદારો પણ હાજર રહેશે. ઉપરાંત આ બેઠકમાં આગામી કાર્યક્રમોની પણ ચર્ચા વિચારણા હાથ ધરાશે.   

મહત્વનું છે કે લોકસભાની ચૂંટણી પૂર્વે ભાજપની કારોબારીની ખાસ બેઠક મળવા જઈ રહી છે. જેમાં તેમને વિશેષ ભાર સોંપવામાં આવશે. આજની બેઠકમાં હાર્દિક પટેલના ઉપવાસ મામલે પણ ચર્ચા વિચારણા થઈ શકે છે.

સરકારનું આગામી સ્ટેન્ડ કઈ દિશામાં રાખવો તે અંગે પણ ચર્ચા થઈ શકે છે. આજરોજ યોજાનાર બેઠકમાં લોકસભાની ચૂંટણી અંગે તથા રાજ્યની વર્તમાન રાજકીય સ્થિતિ અંગે પણ ચર્ચા કરવામાં આવશે

આપને જણાવી દઇએ કે 2019ની લોકસભાની ચૂંટણીના પડઘમ વાગી રહ્યા છે ત્યારે દેશના તમામ રાજકીય પક્ષો દ્વારા જીત મેળવવા માટે આગોતરા આયોજન કરતા હોય છે.

ત્યારે ગુજરાત ભાજપે પણ ગુજરાતની 26 બેઠકો માટે કમર કસી છે. આ મામલા અંતર્ગત થોડા સમય પહેલા ભાજપ દ્વારા ગાંધીનગર ખાતે આ મુદ્દે એક લોકસભા અભ્યાસ સંકલન કમિટીનો વર્કશોપ યોજાયો હતો.