- ગાંધીનગર મહાનગરપાલિકા પર ભાજપની સત્તા
- ગાંધીનગરની જીત બાદ કમલમ્ ખાતે વિજયોત્સવ
- CM ભૂપેન્દ્ર પટેલ અને સી.આર. પાટીલે કરી જીતની ઉજવણી
ગાંધીનગર મહાનગરપાલિકાની ચૂંટણીમાં ભાજપનો ભવ્ય વિજય થયો છે. 11 વોર્ડની 44 બેઠકોમાંથી ભાજપે 41 બેઠકો પર જીત મેળવી છે. જ્યારે કોંગ્રેસને 2 અને આમ આદમી પાર્ટીને 1 બેઠક મળી છે. ભાજપની ભવ્ય જીત થતા કમલમ્ ખાતે વિજયોત્સવ યોજવામાં આવ્યો હતો. જેમાં મુખ્યમંત્રી ભૂપેન્દ્ર પટેલ અને ભાજપ પ્રદેશ પ્રમુખ સી.આર. પાટીલ હાજર રહ્યા હતા. તો મોટી સંખ્યામાં નેતાઓ-કાર્યકર્તાઓ પણ હાજર રહ્યા હતા.
| કુલ બેઠકો |
ભાજપ |
કોંગ્રેસ |
આપ |
| 44 |
41 |
2 |
1 |
સી.આર. પાટીલ મને કહેતા હતા કે 3 સીટ ઓછી કેમ આવી?: CM ભૂપેન્દ્ર પટેલ
ગાંધીનગરમાં ભવ્ય જીત બાદ મુખ્યમંત્રી ભૂપેન્દ્રસિંહ પટેલએ સંબોધન કર્યું હતું. સીએમએ કહ્યું કે, સી.આર. પાટીલ મને કહેતા હતા કે 3 સીટ ઓછી કેમ આવી? ભાજપ ચૂંટણીલક્ષી કામ કરનારી પાર્ટી નથી. જનપ્રતિનિધિઓએ હવે જનતાની વચ્ચે જઈને કામ કરવુ પડશે. અમિત શાહ નાનામાં નાના માણસની પણ ચિંતા કરે છે. મોટા હોદ્દેદારોને કાર્યકર્તા તરીકે કામ સોંપાય તો પણ તે કરે છે.
સી.આર. પાટીલે કહ્યું- ગાજ્યા એ વરસ્યા નહીં
ભાજપની ભવ્ય જીત બાદ ભાજપ અધ્યક્ષ સી.આર.પાટીલે કહ્યું કે, જે બહુ ગાજ્યાં તે વરસ્યા નહીં, માત્ર એક બેઠક મળી. ગુજરાતમાં ત્રીજી પાર્ટી માટે કોઈ જગ્યા નથી તે જનતા બતાવ્યું.
ગાંધીનગરની જીત બાદ કમલમ્ ખાતે વિજયોત્સવ
કમલમ્ ખાતે ભાજપ દ્વારા જીતની ઉજવણી કરવામાં આવી રહી છે. CM ભૂપેન્દ્ર પટેલ અને ભાજપ પ્રદેશ પ્રમુખ સી.આર. પાટીલ કમલમ્ ખાતે પહોંચ્યા હતા. જ્યાં તેમનું ભવ્ય સ્વાગત્ કરાયું હતું. ફટાકડા ફોડી અને ઢોલ-નગારા સાથે જીતની ઉજવણી કરવામાં આવી રહી છે. મોટી સંખ્યામાં હોદ્દેદારો અને કાર્યકર્તાઓ કમલમ્ પહોંચ્યા છે.
દરેક વોર્ડનાં વિજેતાઓના નામ:
| વોર્ડ નં |
વિજેતા ઉમેદવારનું નામ |
પક્ષ |
| 1 |
અંજનાબેન મહેતા |
ભાજપ |
| |
નટવરજી ઠાકોર |
ભાજપ |
| |
રાકેશ પટેલ |
ભાજપ |
| |
મીનાબેન મકવાણા |
ભાજપ |
| 2 |
દિપ્તીબેન પટેલ |
ભાજપ |
| |
પારુલબેન ઠાકોર |
ભાજપ |
| |
અનિલસિંહ વાઘેલા |
ભાજપ |
| |
ગજેન્દ્રભાઈ વાઘેલા |
કોંગ્રેસ |
| 3 |
સોનાલી પટેલ |
ભાજપ |
| |
અંકિત બારોટ |
કોંગ્રેસ |
| |
દિપીકા સોલંકી |
ભાજપ |
| |
ભરત ગોહિલ |
ભાજપ |
| 4 |
દક્ષાબેન મકવાણા |
ભાજપ |
| |
સવિતાબેન ઠાકોર |
ભાજપ |
| |
ભારત દીક્ષિત |
ભાજપ |
| |
જસપાલસિંહ બિહોલા |
ભાજપ |
| 5 |
હેમાબેન ભટ્ટ |
ભાજપ |
| |
પદ્મસિંહ ચૌહાણ |
ભાજપ |
| |
કૈલાશબેન સુતરીયા |
ભાજપ |
| |
કિંજલકુમાર પટેલ |
ભાજપ |
| 6 |
પ્રેમલતા મહેરિયા |
ભાજપ |
| |
તુષાર પરીખ |
આપ |
| |
ભાવના ગોલ |
ભાજપ |
| |
ગૌરાંગ વ્યાસ |
ભાજપ |
| 7 |
સોનલબા વાઘેલા |
ભાજપ |
| |
પ્રેમલસિંહ ગોલ |
ભાજપ |
| |
કિંજલબેન ઠાકોર |
ભાજપ |
| |
શૈલેષ કુમાર પટેલ |
ભાજપ |
| 8 |
છાયાબેન ત્રિવેદી |
ભાજપ |
| |
હિતેશ મકવાણા |
ભાજપ |
| |
રાજેશ કુમાર પટેલ |
ભાજપ |
| |
ઉષાબેન ઠાકોર |
ભાજપ |
| 9 |
અલ્પાબેન પટેલ |
ભાજપ |
| |
શૈલાબેન ત્રિવેદન |
ભાજપ |
| |
રાજુભાઇ પટેલ |
ભાજપ |
| |
સંકેત પંચાસરા |
ભાજપ |
| 10 |
તેજલ બેન વાળંદ |
ભાજપ |
| |
પોપટ સિંહ ગોહિલ |
ભાજપ |
| |
મહેન્દ્ર પટેલ |
ભાજપ |
| |
મીરાબેન પટેલ |
ભાજપ |
| 11 |
ગીતા પટેલ |
ભાજપ |
| |
જસવંત પટેલ |
ભાજપ |
| |
સેજલ પરમાર |
ભાજપ |
| |
માણેકજી ઠાકોર |
ભાજપ |
મતદારોનો આભાર, 2022ની વિધાનસભાની ચૂંટણીમાં જીત નક્કીઃ ભૂપેન્દ્રસિંહ
ગાંધીનગર મનપાની ચૂંટણીમાં ભાજપની જીત થતા ભૂપેન્દ્રસિંહ ચુડાસમાએ મતદારોનો આભાર માન્યો હતો. ચુડાસમાએ કહ્યું કે, મતદારોએ સરકારના કામની કદર કરી છે. ગાંધીનગરમાં કાર્યકર્તાઓ મનમૂકીને કામ કર્યા છે. અન્ય પાર્ટીઓના પ્રચાર વચ્ચે ભાજપના કાર્યકર્તાઓએ કામ કર્યા છે. પરિણામથી સાબિત થયું છે કે, ગુજરાતમાં કોઈ નવી પાર્ટી નહી ચાલે. મજબૂત કામ અને મજબૂત સંગઠનના કારણે ભાજપની જીત થઇ છે. 2022ની વિધાનસભાની ચૂંટણીમાં જીત નક્કી છે.
ગાંધીનગર મનપામાં AAPનું ખાતુ ખુલ્યુ
ગાંધીનગર મનપામાં આમ આદમી પાર્ટીએ ખાતુ ખોલ્યું છે. વોર્ડ નં.6માં ભાજપની પેનલ તૂટી છે. AAPના તુષાર પરીખની જીત થઇ છે. જોકે આમ આદમી પાર્ટીએ ગાંધીનગરમાં જીત માટે તનતોડ મહેનત કરી હતી પરંતુ ચૂંટણીના પરિણામોમાં આપની મહેનત નિષ્ફળ સાબિત થતી દેખાઇ રહી છે.
ગાંધીનગર મનપામાં 10 વર્ષમાં પ્રથમ વખત ભાજપને બહુમતી
ગાંધીનગર મહાનગર પાલિકાની ચૂંટણી પરિણામનું ચિત્ર સ્પષ્ટ થઇ ચૂક્યું છે. ભાજપે ગાંધીનગર મનપામાં 10 વર્ષમાં પ્રથમ વખત બહુમતી મેળવી છે. તો આપનું સૂરસૂરિયું થયું છે અને કોંગ્રેસના પણ હાલ બેહાલ થયા છે. હાલ ચૂંટણી વલણો અનુસાર 11 વોર્ડની 44 બેઠકોમાં 38 બેઠકો પર ભાજપ અને 1-1 પર કોંગ્રેસ-આપ આગળ છે.
ભારતીય જનતા પાર્ટીએ વિજયનો ઉત્સવ શરૂ કર્યો
ગાંધીનગર મનપામાં ભાજપની સત્તા નજરે પડી રહી છે. ભાજપની ભવ્ય જીત થઇ છે. ત્યારે 1 વાગ્યે કમલમ્ ખાતે જીતની ઉજવણી થશે. જેમાં CM ભૂપેન્દ્ર પટેલ અને ભાજપ પ્રદેશ પ્રમુખ સી.આર. પાટીલ હાજર રહેશે. ઢોલ-નગારા સાથે જીતની ઉજવણી થશે. હોદ્દેદારો અને કાર્યકર્તાઓ કમલમ્ પહોંચી રહ્યા છે.
ચૂંટણી પરિણામની કેટલીક અપડેટ્સઃ
- ગાંધીનગર મનપામાં વોર્ડ નં-10માં ભાજપની પેનલનો વિજય.
- વોર્ડ નં-10માં ભાજપના તેજલબેન વાળંદ,પોપટસિંહ ગોહિલ, ભાજપના મહેન્દ્રસિંહ પટેલ અને મીરાબેન પટેલનો વિજય.
- ગાંધીનગર મનપાના વોર્ડ નં.1માં ભાજપની પેનલ વિજય. વોર્ડ નં.1માં AAP બીજા અને કોંગ્રેસ પાર્ટી ત્રીજા નંબરે રહીં.
- વોર્ડ નંબર-1માં ભાજપના અંજના મહેતા, નટવરજી ઠાકોર, મીના મકવાણા, રાકેશ પટેલની જીત
- ગાંધીનગર મનપાના વોર્ડ નં-5માં ભાજપની પેનલ વિજેતા
- ગાંધીનગર મનપાના વોર્ડ નં-3માં ભાજપની જીત. ભાજપ-3, કોંગ્રેસ-1 બેઠક પર વિજેતા
- ગાંધીનગર મહાનગરપાલિકા ચૂંટણી પરિણામ: સવારે 10.30 વાગ્યા સુધીના ટ્રેન્ડ અનુસાર 19 બેઠકો પર ભાજપ જ્યારે એક પર કોંગ્રેસ આગળ
- રાજકોટ જિલ્લા પંચાયતની 2 બેઠક પર કોંગ્રેસના ઉમેદવારોની જીત
- સાણંદ તાલુકા પંચાયતની ઝાંપની સીટ પર ભાજપના ઉમેદવારની જીત
- ગાંધીનગર મહાનગરપાલિકા ચૂંટણી પરિણામ: કોંગ્રેસે ખાતું ખોલ્યું, વોર્ડ ત્રણમાં કોંગ્રેસનાં અંકિત બારોટની 1700 મતથી જીત
- સુરેન્દ્રનગર નગર પાલિકાની વોર્ડ નંબર-6ની પેટા ચૂંટણીમાં ભાજપના ઉમેદવાર પરેશભાઈ કડીવાલનો થયો વિજય
- ગોધરા તાલુકા પંચાયત નંદીસર બેઠકની મતગણતરી પૂર્ણ, ભાજપને મળ્યા 3056 મત
- મહેસાણા નગરપાલિકા વોર્ડ-11માં 1900 મતની લીડથી ભાજપના ફાલ્ગુની પટેલનો વિજય
- ડાકોર નગરપાલિકા પેટાચૂંટણીનું પરિણામ: વોર્ડ નંબર એકમાં અપક્ષ ઉમેદવાર સુમિત્રાબેન ચૌહાણની જીત
- ખેડા તાલુકા પંચાયતની રઢુ બેઠક પર ભાજપની જીત
- ડાકોર નગરપાલિકા પેટાચૂંટણીનું પરિણામ: વોર્ડ નંબર એકમાં અપક્ષ ઉમેદવાર સુમિત્રાબેન ચૌહાણની જીત
