ખુશખબર / ગુજરાતના આ જિલ્લાના દૂધ ઉત્પાદકોને મોટી ભેટ: કિલો ફેટના ભાવમાં કરાયો વધારો, 11 ડિસેમ્બરથી નવો ભાવ વધારો લાગુ

• દૂધ ઉત્પાદકોને ગાંધીનગર જિલ્લા દૂધ સંઘની ભેટ
• 11 ડિસેમ્બરથી પશુપાલકોને ભાવ વધારો ચૂકવવાશે
• પ્રતિ કિલો ફેટે 35 રૂપિયાનો કર્યો વધારો

 
ગાંધીનગર દૂધ ઉત્પાદક સંઘે પશુપાલકોના હિતમાં વધુ એક નિર્ણય લીધો છે. ગાંધીનગર દૂધ સંધે દૂધના કિલો ફેટમાં ભાવમાં વધોરો કર્યો છે. પ્રતિ કિલો ફેટે 35 રૂપિયાનો વધોરો કર્યો છે. દૂધ ઉત્પાદકોને ગાંધીનગર જિેલ્લા દૂધ સંધની મોટી ભેટ મળી છે. 11 ડિસેમ્બરથી પશુપાલકોને ભાવ વધારો ચુકવવામાં આવશે.

ભાવ વાધારાથી પશુપાલકોમાં આનંદ
ગાંધીનગર જિલ્લામાં અનેક પશુપાલકો છે,આ ભાવ વધારાથી તેમનામાં ખુશી જોવા મળી રહી છે. આમ તો દિવાળીના સમય લગભગ મોટા ભાગની ડેરીએ પશુપાલકોને ભાવ વધારો આપ્યો હતો. ગાધીનગર દૂધ સંઘમાં દરરોજ દૂધની સારી આવક નોંધાય છે. જેનો વિવિધ પ્રોડ્કટ બનાવવા માટે ઉપયોગ કરવામાં આવે છે. ત્યારે સતત દૂધની માંગ અને વપરાશ વચ્ચે ગાંધીનગર ડેરીએ પશુપાલકોના હિતમાં મોટો નિર્ણય લીધો છે. ડેરી દ્વારા દૂધના ભાવમાં વધારો કરવામાં આવ્યો છે. 

ઓક્ટોમ્બરમાં સુર સાગર ડેરીએ ભાવમાં કર્યો હતો વધારો
મહત્વનું છે કે, આ પહેલા ઓક્ટોમ્બર મહિનામાં સુરેન્દ્રનગરની સુર સાગર ડેરીએ દૂધના ખરીદ ભાવમાં પ્રતિ કિલો ફેટે રૂ.20નો વધારો કરવાનો નિર્ણય લીધો હતો. સાથે જ પશુઓના દાણના ભાવમાં રૂ. 25નો  ઘટાડો કરવામાં આવ્યો હતો. 

ઓક્ટોમ્બરમાં દૂધ સાગર ડેરી ભાવ વધારો
ઓક્ટોમ્બરમાં મહેસાણાની દૂધ સાગર ડેરીએ પશુપાલકોને દિવાળીની ભેટ આપી હતી. દૂધ સાગર ડેરીએ દૂધના ખરીદ ભાવમાં વધારો કર્યો હતો. જેમણે પશુપાલકોને 730ના બદલે રૂ.740 ચૂકવાનો નિર્ણય કર્યો હતો. આ નિર્ણયથી પ્રતિ કિલો ફેટ 10 રૂપિયા વધુ મળી રહ્યાં છે.