ગાંધીનગરના પેથાપુરમાંથી તરછોડાયેલ બાળક મળવા મામલો મોટા ખુલાસો સામે આવ્યો છે.
ગાંધીનગરના પેથાપુરથી મળી આવેલા માસૂમ બાળકને લઇને મોટો ખુલાસો
મળી આવેલા માસૂમ સ્મિતના પિતાની ભાળ મળી
પતિ પત્નિ વચ્ચેના ઝગડામા પિતાએ ત્યજી દીધું હતું બાળક
આ બાળકના પિતાનું નામ સચિન દિક્ષિત હોવાનો ખુલાસો થયો છે. તો સૂત્રો દ્વારા પ્રાપ્ત થયેલી જાણકારી પ્રમાણે,પોલીસ દ્વારા સફેદ કલરની કાર પણ કબજે કરવામાં આવી છે. પતિ-પત્ની વચ્ચેના ઝઘડાને કારણે આ બાળકને ગઈકાલે રાતે જ તરછોડી દેવામા આવ્યું હતું તેવો પણ ખુલાસો થયો છે.
ગાંધીનગરના સેક્ટર 26માં રહે છે માતા-પિતા
જણાવી દઇએ કે, ગઈકાલે મોડી રાતે મળી આવેલ બાળકના માતા-પિતા પાટનગર ગાંધીનગરના સેક્ટર-26માં રહે છે અને તેઓ મૂળ રાજસ્થાન અને મધ્યપ્રદેશ વચ્ચેના ગામના રહેવાસી છે.
કોણ છે સ્મિતના માતા-પિતા?
સ્મિતના પિતાનું નામ સચિન દિક્ષિત છે
ગાંધીનગરના સેક્ટર-26માં રહે છે સચિન દિક્ષિત
સચિન દિક્ષિત વડોદરામાં ખાનગી કંપનીમાં કરે છે નોકરી
માતા-પિતાના ઝઘડામાં માસૂમ બાળકને તરછોડ્યું
સફેદ કલરની એક કાર કબજે લેવાઇ
સફેદ કાર GJ-1 KL 7363 નંબરની કાર કબજે કરાઇ
સચિન દિક્ષિતની રાજસ્થાનના કોટાથી થઇ ધરપકડ
ગૃહરાજ્યમંત્રીએ આપ્યું હતું મોટું નિવેદન
ગાંધીનગર સ્થિત સિવિલ હોસ્પિટલની મુલાકાતે પહોંચેલા ગૃહરાજ્યમંત્રીએ જણાવ્યું હતું કે, કાલે રાત્રે સવા નવ વાગ્યાની આસપાસ બાળક મળી આવ્યો છે જેના માતા-પિતાને શોધવા માટે પોલીસની 8 ટીમો તૈયાર કરવામાં આવી છે અને યુદ્ધના ધોરણે બાળકના માવતર શોધવા માટેની મહેનત કરવામાં આવી હતી ત્યારે ગણતરીના કલાકોમાં જ આ ભેદ પોલીસે ઉકેલી નાખ્યો હતો અને માતા-પિતાને શોધી લીધા હતા.
ગઈકાલે મોડી રાતે પેથાપુરના સ્વામિનારાયણ મંદિરમાંથી મળી આવ્યું હતું બાળક
સમગ્ર મામલે પોલીસને જાણ કરતા પોલીસ પણ સ્વામિનારાયણ મંદિર ખાતે આવી પહોંચી હતી અને બાળકને મુકી જનારની શખ્સની પોલીસે તપાસ હાથ ધરી હતી. મહત્વનું છે કે બાળકને મંદિરમાં મૂકી જનાર વ્યક્તિના સીસીટીવી પણ સામે આવ્યા હતા, જેના આધારે પોલીસ વધુ સઘન પૂછપરછ હાથ ધરી હતી. તો આ બાળકને તેના માતા પિતા સુધી પહોંચાડવા માટે VTV ન્યૂઝ દ્વારા એક મૂહિમ ચલાવવામાં આવી રહી છે.