મહામારી / ક્યાંથી પેદા થયો કોરોના વાયરસ, WHO તપાસ કરાવે, G-7 દેશના નેતાઓની મોટી માંગ

•  G-7 સંમેલનના અંતિમ દિવસે વૈશ્વિક નેતાઓની 3 મુખ્ય માંગ
• WHO એક્સપર્ટ્સ કોરોનાનું મૂળ શોધી કાઢવા ફરી તપાસ કરે
• ડ્રેગનની આર્થિક નીતિઓને પડકારવામાં આવે

જી-7 દેશોના નેતાઓએ એક સંયુક્ત નિવેદન જારી કરીને એવી માગ કરી કે WHO એક્સપર્ટ્સ કોરોના વાયરસનું મૂળ શોધી કાઢવા વિજ્ઞાન પર આધારિત પારદર્શી તપાસ કરાવે. બ્રિટનના વિદેશમંત્રી ડોમિનિક રાબે પણ જણાવ્યું કે મહામારી વુહાન લેબમાઁથી ફેલાવવાની આશંકા અંગે અધિકારીઓની તુલનાત્મક નોટ અને વધારે તપાસની માગ છે.

 G-7 ના નેતાઓની 3 મોટી માંગ
જી-7 ના નેતાઓએ સંમેલનમાં મુખ્ય 3 માંગ કરી. કોરોનાનું મૂળ શોધી કાઢવા ફરી તપાસ, ડ્રેગનની આર્થિક નીતિઓને પડકાર અને માનવાધિકારના ઉલ્લંઘન પર પ્રતિબંધ મૂકવા માટે પ્રેશર વધારવા પર સહમતિ બની છે. જી-7 ના દેશોમાં કેનેડા, ફ્રાન્સ, જર્મની, ઈટાલી,જાપાન, અમેરિકા અને બ્રિટન છે. આ મંચ પર ભારતને પણ આમંત્રિત કરવામાં આવ્યો હતો. 

G-7 ના અંતિમ દિવસને સંબોધિત કરતા પ્રધાનમંત્રીએ મોદીએ  G-7 ના નેતાઓ પાસેથી તમામ દેશોમાં વેક્સિન પહોંચાડવા સહયાગ માંગ્યો. 
વિદેશ મંત્રાલયે પ્રધાનમંત્રી મોદીના ભાષણની જાણકારી આપી. વિદેશ મંત્રાલયના એડિશનલ સેક્રેટરી પી હરીશે મીડિયાને જણાવ્યું કે પ્રધાનમંત્રીએ યાત્રા છૂટના સમર્થનનો પણ આગ્રહ કર્યો. 

સુશાસન, વેક્સિનની ઉપલબ્ધતા અને ક્લાઈમેટ એક્શન પર સહયોગ માંગ્યો
મોદીએ જણાવ્યું કે આ સંમેલનમાં ભારતને સામેલ કરવાનો અર્થ એ છે કે હાલના સમય દુનિયા જે સંકટમાંથી પસાર થઈ રહી છે તેને ભારતની ભાગીદારી વગર નિવારી શકાય તેમ નથી. અમે સુશાસન, વેક્સિનની ઉપલબ્ધતા તથા ક્લાઈમેટ એક્શન પર જી-7 ના દેશોની સાથે કામ કરવા માંગીએ છીએ. મોદીએ ભારતમાં ટેકનોલોજીના ઉપયોગનો ઉલ્લેખ કરીને જણાવ્યું કે કેવી રીતે અહીં આધાર, ડાયરેક્ટ બેનિફિટ સ્કીમ અને જનધન આધારને મોબાઈલ સાથે જોડાણ કરવામાં આવ્યું. 

વિસ્તારવાદ અને સાયબર સિક્યુરીટી પર સાથે મળીને કામ કરવું પડશે
પ્રધાનમંત્રીએ આજે બે સેશનમાં ભાગ લીધો. ક્લાઈમેટ ચેન્જના મુદ્દે તેમણે કહ્યું કે આપણે એકજૂટ થઈને આ પડકારનો સામનો કરી શકીશું. આપણે અલગ અલગ થઈને કામ ન કરી શકીએ. ભારત જી-7 નો એકમાત્ર એવો દેશ છે જેણે પેરિસ ક્લાઈમેટ સમિટ સાથે જોડાયેલા તમામ વાયદાઓ પૂરા કર્યાં છે. 

UNWTOએ દુનિયાભરના દેશોમાં રસી પાસપોર્ટને લાગૂ કરવાની માંગ કરી

હકિકતમાં કોરોના બાદ અનેક દેશોમાં ઈન્ટરનેશનલ ટ્રાવેલર પર પ્રતિબંધ છે. આના ચાલતા  WHO અને WEFજેવા સંગઠનોને વેક્સિન પાસપોર્ટ બનાવવા પર કામ કરી રહ્યા છે. યૂનાઈટેડ નેશન્સ વર્લ્ડ ટુરિજ્મ ઓર્ગેનાઈઝેશનને (UNWTO)એ દુનિયાભરના દેશોમાં રસી પાસપોર્ટને લાગૂ કરવાની માંગ કરી છે. જેથી ફરી દુનિયામાં ટુરિઝમ શરુ થઈ શકે. WHOએ વેક્સિન પાસપોર્ટમાં અનેક ઈમરજન્સી ઉપયોગ માટે મંજૂરી મેળવનારી રસીને સામેલ કરી છે પણ કોવૈક્સીન તેમાં સામેલ નથી કરી.