સંસ્કારી નગરી વડોદરાને શરમજનક પરિસ્થિતિમાં મુકવાનું કામ શુભમ મિશ્રાએ કર્યું છે. થોડા સમય પહેલા એક મહિલા કોમેડિયન અગ્રીમાએ શિવાજી મહારાજની મૂર્તિ પર જોક ક્રેક કર્યો હતો. બાદમાં તે વીડિયો ખૂબ જ વાયરલ થયો હતો. જેથી વડોદરામાં રહેતા યુટ્યુબર શુભમ મિશ્રાની લાગણી દુભાઇ હતી અને તેણે એક વીડિયો બનાવીને અગ્રીમા પર રોષ ઠાલવ્યો હતો.
કોમેડિયન અગ્રીમા જોશુઆ મામલો
વડોદરા પોલિસે શુભમની કરી ધરપકડ
બોલિવૂડે માન્યો વડોદરા પોલિસનો આભાર
અગ્રીમા પર વીડિયો બનાવીને શુભમે તેને અપશબ્દો કહ્યાં હતા અને દુષ્કર્મની ધમકી પણ આપી હતી. ટ્વિટ દ્વારા પણ શુભમે કોમેડિયનને ધમકી આપી હતી જેથી તમામ બોલિવૂડ તથા સામાન્ય લોકો રોષે ભરાયા હતા. સ્વરા ભાસ્કર, સોનમ કપૂર સહિત ઘણા બધા સિતારાઓએ શુભમને પકડવાની માગ કરી હતી.
Thank you @Vadcitypolice for this swift and timely response. Citizens gradually become disappointed and hopeless with everything,when there's no rule of law, when hate has no consequences.This was a much-needed reafirrmation.May this episode act as a deterrent for other idiots. https://t.co/iP8T2droyo
એક હૅશટેગ #ArrestBadassShubham ટ્રેન્ડ થયો હતો અને વડોદરા પોલિસને પણ ટેગ કરવામાં આવી હતી. અચાનક ટ્રેન્ડમાં આવેલા આ યુવાનને પકડવા માટે પોલિસે તજવીજ હાથ ધરી હતી. શુભમે હરકતમાં આવીને તેનો વીડિયો ડિલીટ કર્યો હતો પરંતુ પોલિસે તેની ધરપકડ કરી હતી.
શુભમ વડોદરાનો હોવાનું સામે આવતા પોલિસે તાત્કાલિક અસરથી તેને દબોચી લીધો હતો અને સુઓમોટો ફરિયાદ દાખલ કરી હતી. શુભમ મિશ્રા સામે કાર્યવાહી કરવા રાષ્ટ્રીય મહિલા આયોગના ચેરમેને ગુજરાતના ડીજીપીને ટ્વીટ કરી આદેશ કર્યો હતો. અભિનેત્રી સ્વરા ભાસ્કરે પણ મહારાષ્ટ્ર સરકાર અને પોલીસને કાર્યવાહી કરવા માગણી કરી હતી. શુભમ મિશ્રાના ઈન્સ્ટાગ્રામ અને યુટ્યુબ હજારો ફોલોઅર્સ છે.
આજના આ આધુનિક યુગમાં સોશ્યલ મિડીયા મારફત ઘણા બધા ક્રાઇમ થાય છે અને બધા ક્રાઇમ લોકોની નજરે ચડતા પણ નથી. ત્યારે આ પ્રકારના યુવાનોને મોકળુ મેદાન મળી જતુ હોય છે. વડોદરા પોલિસે શુભમની ધરપકડ કરીને એક ઉદાહરણ પૂરુ પાડ્યું છે.