Friendship Day / ફ્રેન્ડશીપ ડે પર ઇઝરાયલના દૂતાવાસે યાદ કરી 'જય-વીરુ' ની દોસ્તી, VIDEO જોવા જેવો

નોંધનીય છે કે, ભારત સ્થિત ઇઝરાઇલી દૂતાવાસે ટ્વિટર હેન્ડલ પર એક વીડિયો શેર કર્યો છે, જેમાં પ્રધાનમંત્રી નરેન્દ્ર મોદી અને ઇઝરાઇલના પ્રધાનમંત્રી બેન્જામિન નેતન્યાહુની તસવીરોનો વીડિયો બનાવીને શેર કરવામાં આવ્યો છે. આ સમયગાળા દરમિયાન, બેકગ્રાઉન્ડમાં શોલેનું પ્રખ્યાત ગીત 'યે દોસ્તી હમ નહીં તોડેંગે' નું મ્યૂઝિક ચાલી રહ્યું છે.

Happy #FriendshipDay2019 India!

May our ever strengthening friendship & #growingpartnership touch greater heights.
🔊🎧🎶 ये दोस्ती हम नहीं तोड़ेंगे..... 🇮🇱❤🇮🇳 pic.twitter.com/BQDv8QnFVj

— Israel in India (@IsraelinIndia) August 4, 2019

વીડિયોમાં પ્રધાનમંત્રી નરેન્દ્ર મોદી અને ઇઝરાયલના પ્રધાનમંત્રી બેન્જામિન નેતન્યાહુની સાથે કેટલીક તસ્વીરોને એક સાથે શેર કરવામાં આવી હતી જેમાં પ્રધાનમંત્રી નરેન્દ્ર મોદીના ઇઝરાયલના પ્રવાસની તસવીરો આવરી લેવામાં આવી છે. 

અત્રે નોંધનીય છે કે, નરેન્દ્ર મોદી અને ઇઝરાયલના પ્રધાનમંત્રીનું એક પોસ્ટર ઇઝરાયલમાં સત્તારૂઝ લિકુટ પાર્ટીના તેલ અવીવ સ્થિત મુખ્યાલય પર જોવા મળ્યું છે. આ પોસ્ટર ત્યાના ચૂંટણી પ્રચાર માટે લગાવવામાં આવ્યું હતું. 

આપને જણાવી દઇએ કે ભારત અને ઇઝરાયલ વચ્ચે ગત વર્ષોમાં અનેક નવા કરાર થયા છે અને પ્રધાનમંત્રી મોદીના સત્તામાં આવ્યા બાદ તેની સાથે સંબંધો પણ વધુ મજબૂત થયા છે. ત્યારે રવિવારે સવારે જ્યારે ઇઝરાયલના દૂતાવાસે આ વીડિયો જાહેર કર્યો તો સોશિયલ મીડિયામાં પણ યુર્ઝર્સે તે પર સકારાત્મક પ્રતિક્રિયા આપતા આવનારા સમયમાં આ સંબંધો મજબૂત થવાની આશા વ્યક્ત કરેલ.