સાવધાન! / અમદાવાદનાં એક વેપારીને OLX પર સોફા સેટ વેચવા પડ્યાં ભારે, ગુમાવ્યાં આટલાં રૂપિયા

ઘોડાસરમાં આવેલા અર્પણ ફ્લેટમાં રહેતા અને સીસીટીવી કેમેરાનો વ્યવસાય કરતા હેનિક પટેલે ઇસનપુર પોલીસ સ્ટેશનમાં ચીટિંગની ફરિયાદ કરી છે. હેનિકે olx વેબસાઈટ પર તેમના સોફા વેચવા મુક્યા હતા. ૩૦ મેના રોજ એક ગઠિયાએ (fraud) ફોન કરી સોફા ખરીદવાનું કહી ૨૬,૫૦૦માં સોદો નક્કી કર્યો હતો.

હેનિકે પેમેન્ટ કેવી રીતે કરશો તેમ ગઠિયાને કહ્યું હતું. જેમાં તેણેપેટીએમમાં ઓફર મળે છે એટલે તેનાથી પેમેન્ટ કરીશ તેમ કહ્યું હતું. ગઠિયાએ વેપારીના મોબાઇલ પર એક પેટીએમની એક લિંક મોકલી હતી અને તેને ઓપન કરવાની વાત કરી હતી. પેટીએમ પેમેન્ટની લિંક હેનિકે ઓપન કરી હતી. લિંક ઓપન કરતાંની સાથે હેનિકનાં ખાતાંમાંથી ૧૪,૬૦૦ રૂપિયા ડેબિટ થઇ ગયા હતા. હેનિકે બેન્ક એકાઉન્ટમાં તપાસ કરતાં અલગ અલગ ટ્રાન્ઝેક્શનથી રૂ.૧૪,૬૦૦ અન્ય ખાતામાં ટ્રાન્સફર થઈ ગયા હોવાનું જાણવા મળ્યુ હતું. ઇસનપુર પોલીસે આ મામલે ગુનો દાખલ કરીને તપાસ શરૂ કરી છે.