ઓનલાઇન પેમેન્ટ સંપૂર્ણ સુરક્ષિત માનવુ ભૂલ ભરેલુ. ડિઝિટલ પેમેન્ટમાં પણ લાખોની છેતરપિંડી આચરી હોવાનું આવ્યુ સામે
QRકોડમાં છેડછાડ કરી આચરી છેતરપિંડી
મહારાષ્ટ્રના થાણેનો બનાવ
25લાખની છેતરપિંડી આચરીને ફરાર
ડિજિટલ ટ્રાન્ઝેક્શને લોકોના કામને ઘણી હદ સુધી સરળ બનાવી દીધું છે. ડિઝિટલ ટ્રાન્ઝેક્શનને કારણે હવે રોકડ રકમ લઇ જવાની ઝંઝટ રહેતી નથી.માત્ર એક ક્લિકમાં, પૈસા કોઈપણ ટેન્શન વિના બીજાના ખાતમાં પહોંચી જાય છે. પરંતુ સરળ લાગતી આ સિસ્ટમનો ગેરફાયદા પણ એટલા જ. ડિજિટલ ટ્રાન્ઝેક્શનમાં છેડછાડ કરીને એક વ્યક્તિએ 7થી વધુ રાજ્યોના જ્વેલર્સ અને હોટેલ માલિકો સાથે રૂ. 25 લાખની છેતરપિંડી કરી.
QRકોડમાં છેડછાડ કરીને 25 લાખ ખંખેર્યા
જો તમે પણ તમારા ગ્રાહકો પાસેથી ઓનલાઈન પેમેન્ટ મેળવો છો, તો આવી છેતરપિંડી તમારી સાથે કોઈપણ સમયે થઈ શકે છે. મહારાષ્ટ્રના થાણે જિલ્લાના એક વ્યક્તિએ ક્યૂઆર કોડ સાથે ચેડા કરીને કેટલાક જ્વેલર્સ અને હોટેલ વ્યવસાયીઓ સાથે રુ. 25 લાખની છેતરપિંડી કરવા ધરપકડ કરવામાં આવી છે. એક સમાચાર એજન્સીના જણાવ્યા મુજબ સુબ્રમણ્યમ રામકૃષ્ણ ઐયર નામનો આરોપી જ્વેલરી ખરીદતો હતો અથવા હોટલમાં રૂમ બુક કરતો હતો અને પછી પૈસા ચૂકવતી વખતે ડિજિટલ પેમેન્ટ મોડ સાથે છેડછાડ કરતો હતો.
આવી રીતે આચરી છેતરપિંડી
આરોપી પેમેન્ટ ફેલ થયા બાદ અન્ય વ્યક્તિના એકાઉન્ટમાં એક રુપિયો ટ્રાન્સફર કરતો હતો. પોલીસ એજન્સીએ જણાવ્યું કે સક્સેસફુલ ટ્રાન્ઝેક્શન સાથે તેઓ છેડછાડ કરતા હતા અને પેમેન્ટ કરનારનું નામ અને રકમ બદલી નાંખતો હતો જેથી પેમેન્ટ સક્સેસ ફુલ દેખાડે. ત્યારબાદ આરોપી છેતરપિંડીનો ભોગ બનેલા લોકોને ચેડાં કરાયેલા વ્યવહારોનો સ્ક્રીનશોટ બતાવતા હતા અને પેમેન્ટ થઈ ગયું છે તેમ કહેતો. 33 વર્ષીય દુષ્ટ આરોપીએ નિષ્ફળ અને સફળ બંને વ્યવહારોને મર્જ કરવા માટે કેટલીક એપનો ઉપયોગ કર્યો અને ત્રીજો સ્ક્રીનશોટ બનાવ્યો જે સફળ ચુકવણી જેવો દેખાતો હતો.
આવી રીતે મામલો આવ્યો સામે
વરિષ્ઠ નિરીક્ષક સદાશિવ નિકમે જણાવ્યું હતું કે છેતરપિંડીનો ભોગ બનેલા વ્યક્તિએ થાણેના વર્તક નગર પોલીસ સ્ટેશનમાં 97,330 રૂપિયાની છેતરપિંડીની ફરિયાદ નોંધાવી હતી, ત્યારબાદ સમગ્ર કૌભાંડ પ્રકાશમાં આવ્યું હતું. નિકમે કહ્યું- તપાસમાં જાણવા મળ્યું કે મુંબઈના શિવાજી પાર્ક અને એનએમ માર્ગ પોલીસ સ્ટેશનમાં સમાન પ્રકારના ગુના નોંધાયા હતા.