પાકિસ્તાન ક્રિકેટના સારા પ્લેયરમાં શાહીદ આફ્રિદીનો સમાવેશ થાય છે. કોરોના મહામારીના આ સમયમાં જ્યારે કોઇ પણ દેશ કોરોનાની ઝપેટમાંથી બાકાત નથી રહી શક્યો ત્યારે પાકિસ્તાનમાં પણ કોરોના ફેલાતો જોય છે. પૂર્વ પાકિસ્તાની ક્રિકેટર શાહીદ આફ્રિદીનો કોરોના રિપોર્ટ પોઝિટિવ આવ્યો છે.
આફ્રિદીનો કોરોના રિપોર્ટ પોઝિટિવ
ગુરુવારે તબિયત લથડી
આફ્રિદી સારવાર હેઠળ
40 વર્ષના ક્રિકેટરે પોતાના ટ્વિટર હેન્ડલથી આ માહિતી આપી છે. આફ્રિદી બીજો પાકિસ્તાની ક્રિકેટર છે જેનો કોરોના ટેસ્ટ પોઝિટિવ આવ્યો છે. આ પહેલા પૂર્વ પાકિસ્તાની ઓપનર તૌફીક ઉમરનો કોરોના રિપોર્ટ પોઝિટિવ આવ્યો હતો.
જ્યારથી કોરોના મહામારીએ પાકિસ્તાનમાં પગપેસારો કર્યો હતો ત્યારથી આફ્રિદીએ પોતાના NGO હોપ નોટ આઉટથી ઘણા બધા લોકોની મદદ કરવાની શરૂઆત કરી દીધી હતી. આફ્રિદીએ હજારો ગરીબ લોકોની મદદ કરી છે.
હાલમાં તે તેના ફેન્સ અને શુભચિંતકોને કહી રહ્યો છે કે, તેના માટે બધા જ અલ્લાહ પાસે દુઆ માંગે. તેણે ટ્વિટ કરીને કહ્યું હતું કે ગુરુવારથી તેની તબિયત બગડી હતી બાદમાં ટેસ્ટ કરાવતા તેનો રિપોર્ટ પોઝિટિવ આવ્યો હતો.